వీడియో:ఎంపీ మల్లారెడ్డి కి రామ్ చరణ్ స్మూత్ రిప్లై,ఉపాసన గురించి

By Srikanya

Published: Monday, March 21, 2016, 14:39 [IST]

హైదరాబాద్: కొద్ది కాలం క్రితం...ఓ కార్యక్రమంలో టీడీపీ మల్కాజ్ గిరి ఎంపీ చామకూర మల్లారెడ్డి మాట్లాడుతూ... ఐశ్వర్యారాయ్ అందగత్తె అని ఎంత మంది వెంటపడ్డా పట్టించుకోకుండా 33 ఏండ్లు ఆగి అమితాబ్ కొడుకును పట్టింది.

సోనియాగాంధీ ఇటలీ అయినా రాజీవ్ గాంధీని పట్టిందని, రామ్ చరణ్ తేజ ఆపోలో ప్రతాప్ రెడ్డి మనవరాలిని పట్టాడని .. కొడితే అలా జాక్ పాట్ కొట్టాలని సందేశం ఇవ్వడం గుర్తుండే ఉండి ఉంటుంది. అది అప్పట్లో సంచలనమైంది. ఆ విషయం గుర్తు చేస్తూ రామ్ చరణ్..మల్లారెడ్డి కాలేజీలో స్పీచ్ ఇచ్చాడు.

రామ్ చరణ్ మాట్లాడుతూ... మల్లారెడ్డి గారు..నా పెళ్లిని ఓ ఉదాహరణగా కోట్ చేసారు. ఆయన ఓ మంచి ఇంటెన్షన్ తోనే చెప్పారు. కానీ నేను ఉపాసన ప్రేమించుకున్నప్పుడు స్టేటస్ లు చూసి ప్రేమించుకోలేదు. స్టేటస్ లు చూసి ఎప్పుడూ ప్రేమించకూడదు. ఫ్యామిలీ, ఎడ్యుకేషన్, లవ్, కెరీర్ విషయంలో కేర్ తీసుకోండి. డెస్టినీని నమ్ముకోండి. నాకు ఉపాసనను ఇచ్చాడు. మా మధ్య ప్రేమ ఎప్పటికీ తగ్గదు. మా మధ్య అంత ప్రేమ ఉంది కాబట్టే మా ఫ్యామిలీ అంత హ్యాపీగా ఉంది అన్నారు.

అలాగే.. కాలేజ్ వయసులో అమ్మాయిలను చూడగానే అబ్బాయిలకు.... అబ్బాయిలను చూడగనే అమ్మాయిలకు ప్రేమించాలనిపిస్తుంది. ప్రేమించడం తప్పు కాదు. ప్రేమించి పెళ్లి చేసుకోవడం తప్పు కాదు. ప్రేమించి మాత్రమే పెళ్లి చేసుకోండి. కానీ 22 సంవత్సరాలకే పెళ్లి మాత్రం చేసుకోకండి. కెరీర్ బిల్డ్ చేసుకున్న తర్వాతే పెళ్లి గురించి ఆలోచించండి అని చెప్పుకొచ్చాడు.

అల్లరి చిల్లరగా..

"ఇరవై సంవత్సరాల వయసులో నేను కూడా అల్లరి చిల్లరగా తిరుగుతుంటే... మా అమ్మ నన్ను ఒకరి దగ్గరికి పంపించి తలుపు వేసింది. ఆ వ్యక్తి నాతో గంటసేపు మాట్లాడాడు.

అతనే పవన్

మాట్లాడిన తర్వాత నాకు లైఫ్ అంటే అర్థమైంది. కెరీర్ విలువ తెలిసింది. నా కెరీర్ కు ఆయనే ఇనిస్పిరేషన్. అయన మరెవరో కాదు బాబాయ్ పవన్ కళ్యాణ్...."

గెస్ట్ గా..

తన కెరీర్ కు బాబాయ్ పవన్ కళ్యాణే ఇనిస్పిరేషన్ అన్నాడు మెగా పవర్ స్టార్ రామ్ చరణ్ . హైదరాబాద్ లోని మల్లారెడ్డి ఇంజినీరింగ్ కాలేజ్ ఫెస్ట్ లో రామ్ చరణ్ స్పెషల్ గెస్ట్ గా హాజరయ్యారు.