విక్రమ్ 300 కోట్ల చిత్రం: ‘గంట’కు దర్శకుడి పూజలు, ఆసక్తికర విషయాలు వెలుగులోకి...

రాజమోజీ ఫిల్మ్ సిటీకి ఆ గంట తీసుకొచ్చి

పూజ అనంతరం ఆ బెల్‌ను హైదరాబాద్‌లో జరిగే షూటింగుకు తీసుకెళ్లబోతున్నారు. ఇక్కడి రామోజీ ఫిల్మ్ సిటీలో 30 అడుగుల ఎత్తైన రథం నిర్మిస్తున్నారు. ఈ రథంలో అలంకరణగా ఈ బెల్‌ను పెట్టబోతున్నట్లు తెలుస్తోంది.

బాహుబలి కంటే ఎక్కువ బడ్జెట్, హాలీవుడ్ టెక్నీషియన్స్

ఈ మైథలాజికల్ సినిమాకు రూ. 300 కోట్ల బడ్జెట్ అంచనా వేస్తున్నారు. బాహుబలి-ది కంక్లూజన్ (రూ. 250 కోట్లు) కంటే ఎక్కువ బడ్జెట్‌తో రూపొందుతుండటం చర్చనీయాంశం అయింది. ఈ సినిమా కోసం నిర్మాతలు హాలీవుడ్లో ‘గేమ్ ఆఫ్ థ్రోన్స'కు పని చేసిన టెక్నీషియన్లను హైర్ చేసుకున్నారు.

విజువల్ ఎఫెక్ట్స్ ప్రధానంగా

మహావీర్ కర్ణ అద్భుతమైన విజువల్ ఎఫెక్టులతో రూపొందబోతోందని, ఇందుకోసం ఇటు ఇండియాతో పాటు ఇంటర్నేషనల్ వైడ్ ఫేమస్ అయిన పలు స్టూడియోలతో ఒప్పందం కుదుర్చుకున్నట్లు తెలుస్తోంది.

ఆ విషయాలన్నీ గోప్యంగానే

ఈ చిత్రంలో టైటిల్ రోల్ చేస్తున్న విక్రమ్ జనవరి, 2019లో సెట్స్‌లో జాయిన్ కాబోతున్నారు. 2020 ప్రథమార్థం నాటికి సినిమాను ప్రేక్షకుల ముందుకు తెచ్చేందుకు ప్లాన్ చేస్తున్నారు. అయితే సినిమాలో ఇంకా ఎవరెవరు నటిస్తున్నారు? అనే విషయాలను ప్రస్తుతానికి అత్యంత గోప్యంగా ఉంచుతున్నారు.

హిందీలో షూట్ చేసి ఇతర భాషల్లోకి అనువాదం

ఒరిజినల్‌గా హిందీలో రూపొందిస్తున్న ఈ చిత్రాన్ని యూనైటెడ్ ఫిల్మ్ కింగ్డమ్ సంస్థ నిర్మిస్తోంది. మహాభారతం ఆధారంగా ఈ చిత్రాన్ని రూపొందిస్తున్నారు. తెలుగు, తమిళంతో పాటు ఇతర భాషల్లో ఈ చిత్రాన్ని విడుదల చేయబోతున్నారు.