MAA President: మాట నిలుపుకున్న మంచు విష్ణు.. చార్జ్ తీసుకున్న వెంటనే ఆ ఫైల్‌పై సంతకం

ప్రకాశ్ రాజ్.. మంచు విష్ణు.. నువ్వా నేనా

ఈ సారి 'మూవీ ఆర్టిస్టు అసోషియేషన్‌'కు జరిగిన ఎన్నికలు రణరంగాన్ని తలపించాయి. ప్రకాశ్ రాజ్ వర్గం ఒకవైపు, మంచు విష్ణు ప్యానెల్ మరోవైపు ఇందులో పోటీ పడ్డాయి. ఈ క్రమంలోనే సినీ ప్రముఖులంతా రాజకీయ నేతల్లా పావులు కదుపుతూ.. విమర్శలు చేసుకోవడం సహా ఎన్నో విధాలుగా ఎన్నికలను రక్తి కట్టించారు. దీంతో నువ్వా నేనా అన్నట్లు ఇద్దరి మధ్య పోటీ జరిగింది.

మంచు విష్ణును వరించిన మా విజయం

ఎన్నో ట్విస్టులతో సాగిన 'మూవీ ఆర్టిస్టు అసోషియేషన్‌' ఎన్నికలో ప్రకాశ్ రాజ్‌పై మంచు విష్ణు భారీ మెజారిటీతో విజయం సాధించిన విషయం తెలిసిందే. అలాగే, అతడి ప్యానెల్‌లోని పలువురు సభ్యులు కూడా గెలుపొందారు. ప్రకాశ్ రాజ్ ప్యానెల్ నుంచి కూడా పలువురు సభ్యులు ఈసీ మెంబర్లుగా గెలిచారు. దీంతో మంచు విష్ణు వర్గం ఫుల్ ఖుషీగా ఉండిపోయింది.

ప్రకాశ్ రాజ్ ప్యానెల్ సభ్యుల రాజీనామా

'మూవీ ఆర్టిస్టు అసోషియేషన్‌' ఎన్నికల సందర్భంగా తెలుగు సినీ ఇండస్ట్రీలో వేడి వాతావరణం కనిపిస్తోంది. మరీ ముఖ్యంగా ప్రకాశ్ రాజ్‌తో పాటు నాగబాబు ఇప్పటికే మా సభ్యత్వానికి రాజీనామా చేసిన విషయం తెలిసిందే. అలాగే, మంగళవారం ప్రకాశ్ రాజ్ ప్యానెల్ నుంచి గెలిచిన కార్యవర్గ సభ్యులు అందరూ తమ పదవులకు రాజీనామాలు చేసి షాకిచ్చారు.

మా బాధ్యతలు స్వీకరించిన మంచు విష్ణు

మూడు రోజుల క్రితం జరిగిన 'మూవీ ఆర్టిస్టు అసోషియేషన్‌' ఎన్నికల్లో విజయం సాధించిన మంచు విష్ణు.. తాజాగా తన బాధ్యతలను స్వీకరించాడు. మా కార్యాలయంలో జరిగిన ఈ కార్యక్రమంలో అధ్యక్షుడి కుర్చీలో కూర్చున్నారు. ఈ సందర్భంగా అతడిని పలువురు ప్రముఖులు సన్మానించారు. ఈ విషయాన్ని విష్ణు తన ట్విట్టర్ ఖాతాలో పోస్ట్ చేసి ఆశీర్వాదం కోరాడు.

తొలి సంతకం ఆ ఫైల్ మీదే పెట్టేశాడుగా

'మూవీ ఆర్టిస్టు అసోషియేషన్‌' ఎన్నికలకు ముందు మంచు విష్ణు మ్యానిఫెస్టోను విడుదల చేసిన విషయం తెలిసిందే. అందులో ఆర్టిస్టుల పెన్షన్స్, మా భవనం, కార్మికులు, వారి కుటుంబ సభ్యుల బాగోగులకు సంబంధించిన విషయాలను పొందుపరిచాడు. ఇక, తాజాగా అధ్యక్షుడిగా బాధ్యతలు స్వీకరించిన వెంటనే పెన్షన్ల ఫైలుపై తన తొలి సంతకాన్ని చేశాడు మంచు విష్ణు.

Recommended Video

MAA Elections: జ‌య‌ల‌లిత త‌మిళ‌నాడులో CM అవ్వలేదా.. క‌ళ‌కు ప్రాంత‌మేంటి ? Jeevitha

వాళ్లందరితోనే ప్రమాణ స్వీకారం చేస్తారా?

ప్రస్తుతానికి మంచు విష్ణు ఒక్కడే 'మూవీ ఆర్టిస్టు అసోషియేషన్‌' అధ్యక్షుడిగా బాధ్యతలు స్వీకరించాడు. అతడితో పాటు గెలిచిన వాళ్లంతా ప్రమాణ స్వీకారం చేయాల్సి ఉంటుంది. అయితే, ప్రకాశ్ రాజ్ ప్యానెల్ నుంచి గెలిచిన వాళ్లు రాజీనాయా చేయడంతో.. మరి ప్రమాణ స్వీకారం ఎలా జరుగుతుందన్నది ఆసక్తికరంగా మారింది. వాళ్లను బుజ్జగిస్తారా? లేక కొత్త వాళ్లతో భర్తీ చేస్తారా అన్నది సస్పెన్స్‌గా మారింది.