Don't Miss!
- Finance Jhunjhunwala News: కంపెనీలో 5 లక్షల షేర్లు కొన్న జున్జున్వాలా.. నష్టాల మార్కెట్లోనూ స్టాక్ ర్యాలీ..
- News ప్రచారం పక్కనపెట్టి గర్భిణీకి ప్రసవం.. దర్శి టీడీపీ అభ్యర్థికి హ్యాట్సాఫ్!!
- Lifestyle మామిడికాయ పచ్చడిని ఈజీగా ఇలా తయారు చేసుకోండి..
- Sports అనూహ్య ఘటనను ఎదుర్కొన్న రోహిత్ శర్మ
- Technology OnePlus Flip వన్ప్లస్ ఫ్లిప్ ఫోన్ కీలక వివరాలు లీక్... టెలిఫోటో కెమెరా సహా కీలక ఫీచర్లు..!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
రజినీతో సినిమా ఆఫర్ని తిరస్కరిస్తూ జయ లలిత రాసిన లేఖ ఇదే... అమ్మ దస్తూరీ..
రజనీకాంత్ హీరోగా తెరకెక్కుతున్న ‘బిల్లా’ సినిమాలో హీరోయిన్గా నటించమని జయలలితను అడిగారట. అయితేజయలలిత ఆ ఆఫర్ను తిరస్కరించారట
ప్రముఖ సినీనటి, తమిళనాడు దివంగత సీఎం జయలలిత.. దక్షిణాది సూపర్ స్టార్ రజినీకాంత్ మధ్య మొదట కొంత వ్యతిరేక భావనలు ఉండేవి. అయితే, ఆ తర్వాత అదంతా మారిపోయింది. తొలినాళ్లలో జయను వ్యతిరేకించిన రజినీకాంత్.. ఆ తర్వాత కాలంలో ఆమెకు మద్దతునివ్వడం మొదలుపెట్టారు. ఇలా ఆమెపై రజినీ తన అభిప్రాయాన్ని మార్చుకున్నారు.
1996లో 'జయలలిత అధికారంలోకి వస్తే తమిళనాడును దేవుడు కూడా కాపాడలేడు' అని రజినీకాంత్.. చేసిన ఈ ఒకే ఒక్క వ్యాఖ్య ఆ ఏడాది జరిగిన ఎన్నికల్లో జయ ప్రత్యర్థుల సోలో నినాదంగా మారిపోయింది. అయితే, అదే రజనీకాంత్ 2011లో 'జయలలిత విజయం తమిళనాడును కాపాడింది' అని ప్రకటించడం గమనార్హం. అయితే సినీ రంగం నుంచే రాజకీయాల్లోకి వచ్చిన జయ లలిత రజినీ కాంత్ తో కూడా నటించాల్సింది... కానీ రజినీ పక్కన హీరోయిన్ గా కనిపించే అవకాశం వచ్చినా మన దురదృష్ట వశాత్తూ ఆ అరుదైన కాంబినేషన్ ని చూడలేక పోయాం...
దక్షిణాదిన ఎన్టీయార్, ఏఎన్నార్, ఎమ్జీయార్, శివాజీ గణేషన్ వంటి స్టార్ హీరోల సరసన నటించారు జయలలిత. 60ల్లో సినీ కెరీర్ ప్రారంభించిన జయలలిత 70వ దశకానికి స్టార్ హీరోయిన్ రేంజ్కు చేరుకున్నారు. ఇక, దాదాపు 1980తో తన సినిమా జీవితానికి ఫుల్స్టాప్ పెట్టారు. ఆ తర్వాత ఎమ్జీయార్ ఆహ్వానం మేరకు ఏడీఎంకే పార్టీ తీర్థం పుచ్చుకుని పార్టీ ప్రచారం చేస్తున్న సమయంలో సూపర్స్టార్ రజనీకాంత్ సరసన నటించే అవకాశం వచ్చిందట జయలలితకు.
ఆ సమయంలో రజనీకాంత్ హీరోగా తెరకెక్కుతున్న 'బిల్లా' సినిమాలో హీరోయిన్గా నటించమని జయలలితను అడిగారట. అయితే రాజకీయాలపైనే పూర్తిగా దృష్టి సారించిన జయలలిత ఆ ఆఫర్ను తిరస్కరించారట. జయలలిత తిరస్కరించాకే ఆ ఆఫర్ హీరోయిన్ శ్రీప్రియ (దృశ్యం సినిమా డైరెక్టర్)కు దక్కింది. తాను ఆ సినిమాలో చేయలేను అంటూ రాసినలేఖ ఇప్పుడు ఆన్ లైన్ లో చక్కర్లు కొడుతోంది...