రగులుతున్న మెగా వివాదం: బోయపాటికి బాలయ్య ఫుల్ సపోర్ట్

బాలయ్య నుంచి బోయపాటికి సపోర్ట్

‘వినయ విధేయ రామ' ప్లాప్ అయినప్పటికీ బోయపాటికి బాలయ్య నుంచి ఫుల్ సపోర్ట్ లభించినట్లు తెలుస్తోంది. వారి కాంబినేషన్లో త్వరలో రాబోయే సినిమా టాలీవుడ్ సర్కిల్‌లో హాట్ టాపిక్ అవుతోంది.

నేనున్నానంటూ బాలయ్య హామీ

బాలయ్యతో చేయబోయే సినిమాకు సంబంధించి బోయపాటి ఆల్రెడీ స్క్రిప్టు కూడా వినిపించారని, ఆయన నుంచి గ్రీన్ సిగ్నల్ వచ్చినట్లు తెలుస్తోంది. నీకు ఏదైనా సమస్య ఉంటే చెప్పు నేను డీల్ చేస్తానంటూ బాలయ్య హామీ ఇచ్చారట.

హిట్టుపడి చాలా కాలమైంది

‘లెజెండ్' తర్వాత బోయపాటికి ఇప్పటి వరకు మంచి విజయం పడలేదనే చెప్పాలి. ‘సరైనోడు' హిట్ టాక్ వచ్చినా లాభాలు తేలేదని, అయితే లాభాలు వచ్చినట్లు అప్పుడు మెగా క్యాంప్ కవర్ చేసిందని, అలా కవర్ చేసి ఉండక పోతే ‘వినయ విధేయ రామ' వరకు పరిస్థితి వచ్చి ఉండేది కాదు అనేది కొందరి వాదన.

బాలయ్య-బోయపాటి మూవీ ఎవరు నిర్మిస్తారు?

సరైన హిట్టు లేని బోయపాటితో సినిమా నిర్మించడానికి ముందుకు వచ్చే నిర్మాత ఎవరు? అనేది హాట్ టాపిక్ అయింది. దీన్ని బాలయ్యే తన సొంత బేనర్ ‘ఎన్‌బికె ఫిల్మ్స్' పతాకంపై నిర్మిస్తారా? లేక బయటి ప్రొడ్యూసర్లు ముందుకు వస్తారా అనేది తెలియాల్సి ఉంది.