అప్పటి చేదు అనుభవాల వల్లే "అర్జున్ రెడ్డి" చేయనని చెప్పా: శర్వానంద్

శర్వానంద్ చేయాల్సింది

సినిమాను వాస్తవానికి శర్వానంద్ చేయాల్సింది. ముందుగా దర్శకుడు సందీప్ రెడ్డి శర్వాకే చెప్పాననీ. కానీ అనివార్య కారణాల వల్ల శర్వాతో సినిమా చేయలేకపోయానని ఈ చిత్ర ప్రి రిలీజ్ ఈవెంట్లోనే చెప్పాడు సందీప్. అప్పటికే విజయ్ అర్జున్ రెడ్డి మీద తన మార్క్ వేసేసాడు. అయితే శర్వాతో సినిమా చేయలేకపోవటానికి కొన్ని కారణాలున్నాయి అన్నాడేకానీ ఆ అనివార్య కారణాలేంటన్నది సందీప్ వంగా వెల్లడించలేదు.

Recommended Video

Akkineni Nagarjuna Comments On "Arjun Reddy" Movie

శర్వానంద్ ఆ గుట్టు విప్పాడు

ఇంతా అయ్యాక తానే విషయం చెప్పెయ్యాలి అనుకున్నాడేమో తాజాగా శర్వానంద్ ఆ గుట్టు విప్పాడు. తాను పెట్టిన కండిషన్ వల్లే సందీప్ తనతో ‘అర్జున్ రెడ్డి' చేయలేకపోయాడని చెప్పేసాడు. నిజానికి సందీప్ చెప్పినప్పుడే ‘అర్జున్ రెడ్డి' కథ విపరీతంగా నచ్చిందని.. దీని మీద ఒక వర్క్ షాప్ కూడా చేసి ఆ తర్వాత షూటింగుకి వెళ్లాలని కూడా అనుకున్నాడట.

అశ్వినీదత్‌తో పాటు మరో నిర్మాత

అయితే ‘అర్జున్ రెడ్డి' సినిమాను సందీప్ స్వీయ నిర్మాణంలో చేయాలనుకోవటం తో ఆ విషయంలోనే తాను అభ్యంతర పెట్టానని, సినిమా క్వాలిటీకోసం అశ్వినీదత్‌తో పాటు మరో నిర్మాతను కూడా తాను కలిసే ఏర్పాటు చేశానని. కానీ అవేవీ వర్కవుట్ కాకపోవటం, సందీప్ తనే ఈ చిత్రాన్ని ప్రొడ్యూస్ చేస్తాననడంతో సినిమా అనుకున్నట్టు రాకపోతే తర్వాత ఇబ్బంది పడాల్సి వస్తుందని శర్వా తప్పుకున్నాడట.

కుదరదని చెప్పేసాడట

దర్శకుడే నిర్మాత అయితే ఉండే ఇబ్బందులు ఇదివరకు చూసి ఉండటం తో అలా కుదరదని చెప్పేసాడట ఈ మహానుబావుడు. ప్రొడక్షన్ మీద దృష్టిపెడితే సినిమా సరిగా రాదని.. గతంలో ఈ విషయంలో తనకు కొన్ని చేదు అనుభవాలుండటంతోనే వేరే నిర్మాత ఉండాలని పట్టుబట్టానని శర్వా చెప్పాడు.

అతనే కరెక్ట్ అనిపించిందట

ఐతే ‘అర్జున్ రెడ్డి'లో విజయ్ దేవరకొండ పెర్ఫామెన్స్ చూశాక అతనే ఈ సినిమాకు కరెక్ట్ అనిపించిందని.. ఇంకెవరూ ఆ పాత్ర చేయలేరు అన్నట్లుగా అతను అదరగొట్టేశాడని శర్వా చెప్పాడు. అంత పెద్ద హిట్ కోల్పోయిన భాద మనసులో ఉన్నా మనస్పూర్తిగా విజయ్ దేవరకొండ పెర్ఫార్మెన్స్ ని మెచ్చుకుంటూనే. అర్జున్ రెడ్డి టీమ్ వర్క్ ని కూడా మెచ్చుకున్నాడు శర్వానంద్.