జాగ్రత్తగా తీయకుంటే ‘ఎవడు’ పెద్ద ప్లాపవుతుందని హెచ్చరించాను : చిరంజీవి

రామ్ చరణ్ మాట్లాడుతూ....రెండు సంవత్సరాల క్రితమే కథ చెప్పారు. ఎంతో అద్భుతమైన కథ. సినిమాకు పని చేస్తున్న అందరితో నేను తొలిసారి చేస్తున్నాను. మగధీర తర్వాత బాగా ఎగ్జైట్ అయింది‘ఎవడు' కథ విన్న తర్వాతే. దేవిశ్రీ ప్రసాద్ మంచి సంగీతం అందించారు. ఈ సినిమాలో కొంచెం అందంగా కనిపించాను. దానికి కెమెరామెన్ రాంప్రసాదే కారణం. ఈ సినిమాకు పని చేసిన అందరికీ పేరు పేరున ధన్యవాదాలు.

అల్లు అర్జున్ మాట్లాడుతూ...బన్నీ కెరీర్లో ‘ఎవడు' బిగ్గెస్ట్ హిట్టవుతుంది. చిరంజీవి 150వ సినిమాలో ఒక్క ఫ్రేములో కనిపించినా చాలు అన్నారు.

బ్రహ్మానందం మాట్లాడుతూ...దేవిశ్రీ ప్రసాద్ మ్యూజిక్, వంశీ పైడిపల్లి దర్శకత్వం, రామ్ చరణ్ హీరో, హీరోయిన్ శృతి హాసన్, దిల్ రాజు గురించి అందరికీ తెలుసు ఆల్ హిట్స్ ఇచ్చిన నిర్మాత. మా బాస్ మెగాస్టార్ అద్భుతమైన డాన్సర్ అంటే, ఆయన్ను
మించి పోయాడు రామ్ చరణ్.

సాయి కుమార్ మాట్లాడుతూ...ఈ సినిమాలో చేసినందుకు చాలా ఆనందంగా ఉంది. అనయ్యతో‘చాలెంజ్' సినిమా చేసాను. ఎవడులో చాలెంజింగ్ రోల్ చేసాను. వంశీ చాలా కమిట్ మెంట్ ఉన్న డైరెక్టర్, దిల్ రాజు ఇన్వాల్వ్ మెంట్ ఉన్న ప్రొడ్యూసర్. దేవిశ్రీ గురించి ప్రత్యేకంగా చెప్పక్కర్లేదు. అప్పుడు అన్నయ్యతో చేసాను...చరణ్ తో చేయడం చాలా ఆనందంగా ఉంది. చరణ్ డైలాగులు అదరగొట్టాడు. స్టైలిష్ స్టార్ అల్లు అర్జున్ కూడా ఉండటం మెగా ఫ్యాన్స్ కు పండగే.

దిల్ రాజు మాట్లాడుతూ....తొలి ప్రేమ నుంచే పవన్ కళ్యాణ్ ఫ్యాన్ అయ్యాను. చిరంజీవితో సినిమా చేయాలని కలలో కూడా ఊహించలేదు. పవన్ తో చేయాలని 10 ఏళ్ల నుండి ట్రై చేస్తున్నాను. చరణ్ తో చాన్స్ రావడం ఆనందంగా ఉంది. చిరంజీవి గారు సింగిల్ సిట్టింగులో విని బ్లాక్ బస్టర్ అవుతుందని చెప్పారు. దేవితో కలిసి చేసిన సినిమాలన్నీ హిట్టయ్యాయి. ఎవడు సినిమా మెగా అభిమానులు మెచ్చే సినిమా అవుతుంది.

వంశీ పైడిపల్లి మాట్లాడుతూ...ఎవడు నా ఒక్కడి కష్టం కాదు. సినిమాకు ఎంతో మంది కష్టపడ్డారు. అందరూ కష్టపడ్డారు కాబట్టే సినిమా అద్భుతంగా వచ్చింది. హరి, వక్కతం వంశీ, అబ్బూరి రవి సహకారం చాలా ఉంది. దేవిశ్రీ మంచి ఫ్రెండ్. శంకర్ దాదా సినిమా అవకాశం రావడంతో దేవిశ్రీ, నేను కలిసి ట్యాంక్ బండ్ వెళ్లి ఎంజాయ్ చేసాం.

చిరంజీవిగారిలో చూడాలనుకున్నది చరణ్ లో చూసాను. అదే ‘ఎవడు' సినిమాలో ప్రజెంట్ చేసాను. బన్నీ చేసింది ఐదు నిమిషాలే అయినా సినిమా అయిపోయే వరకు గుర్తుంటారు. సినిమాకు పని చేసిన ప్రతి వారికి పేరు పేరు కృతజ్ఞతలు అని చెప్పుకొచ్చారు వంశీ.

శృతి హాసన్ మాట్లాడుతూ...ఎవడు సినిమాకు పండగలాంటి రోజు ఇది. దిల్ రాజుతో కలిసి మూడో సినిమా చేస్తున్నాను. వంశీ మంచి క్యారెక్టర్ ఇచ్చారు. ఆయన మంచి డెడికేటెడ్ డైరెక్టర్. చరణ్ మంచి కోస్టార్. ఆడియోతో పాటు, సినిమా కూడా పెద్ద హిట్ కావాలని కోరుకుంటున్నాను.