ప్రభాస్‌తో పెళ్లి వార్తలు: కేసులు పెడతానంటూ అనుష్క వార్నింగ్!

బాహుబలి-2 తర్వాత ప్రభాస్‌తో లింకప్

బాహుబలి-2 విడుదల తర్వాత అనుష్క పెళ్లి గురించి ఈ వార్తల జోరు మరింత పెరిగింది. ప్రభాస్, అనుష్క పెళ్లి చేసుకోబోతున్నారని, బాహుబలి షూటింగ్ సమయంలోనే వీరి మధ్య ప్రేమ చిగురించిందని వార్తలు ప్రచారంలోకి వచ్చాయి.

కేవలం స్నేహం మాత్రమే

ప్రభాస్ తో పెళ్లి వార్తలపై అనుష్క ఆ మధ్య ఓ ఇంటర్వ్యూలో స్పందిస్తూ....తమ మధ్య ఉన్నది కేవలం స్నేహం మాత్రమే అని, ఇలాంటి గాలి వార్తలు నమ్మవద్దని తేల్చి చెప్పిన సంగతి తెలిసిందే.

ఆగని ప్రచారం

అయితే అనుష్క మీడియా ముఖంగా తమ మధ్య స్నేహం మాత్రమే ఉందని తేల్చి చెప్పినా ఆ వార్తలు మాత్రం ఆగలేదు. కొందరు తన గురించి నీచంగా రాస్తూ తన ఇమేజ్ దెబ్బతీస్తుండటంతో అనుష్క తీవ్ర మనస్తాపానికి గురైనట్లు తెలుస్తోంది.

వార్నింగ్

తనపై జరుగుతున్న ప్రచారం కెరీర్ పరంగా, వ్యక్తిగతంగా నష్టం చేకూర్చే విధంగా ఉండటంతో అనుష్క సహనం కోల్పోయింది. అందుకే ఇకపై ఎవరైనా ఎక్స్‌ట్రాలు రాస్తే కేసులు పెడతానంటూ పరోక్షంగా హెచ్చరించింది.