హోమ్

న్యూస్

హైదరాబాద్: మెగా పవర్ స్టార్ రామ్ చరణ్ 'జంజీర్' అనే బాలీవుడ్ చిత్రంలో నటిస్తున్న సంగతి తెలిసిందే. అపూర్వ లఖియా దర్శకత్వం వహిస్తున్న ఈచిత్రంలో సెక్సీలేడీ ప్రియాంక చోప్రా హీరోయిన్. బిగ్ బి అమితాబ్ పాతికేళ్ల క్రితం నటించిన 'జంజీర్' చిత్రానికి ఇది రీమేక్. ఈ చిత్రాన్ని తెలుగులో కూడా విడుదల చేయనున్నారు. హిందీ, తెలుగు వెర్షన్లో కొన్ని పాత్రలు మాత్రం మారనున్నాయి.

తాజాగా ఈచిత్ర దర్శక నిర్మాతలకు ఓ సమస్య వచ్చి పడింది. హిందీ వెర్షన్‌కు ఎలాంటి కష్టం లేకుండా 'జంజీర్' అనే టైటిల్ ఖరారు చేసేసారు. అయితే తెలుగు వెర్షన్‌కు సరైన టైటిల్ పెట్టలేక పోతున్నారట. ఎన్ని టైటిల్స్ ఆలోచించినా సరైనదిగా అనిపించడం లేదట.

దీంతో ఈ సినిమాకు టైటిల్ పెట్టడంలో అభిమానులు, ప్రేక్షకులు కూడా భాగస్వాములు కావాలని పిలుపునిచ్చారు. మరి ఇంకే.... ఏదైనా మంచి క్యాచీగా ఉండే టైటిల్ ఆలోచించండి. మీ అభిప్రాయాలను క్రింద కామెంట్ బాక్సులో పోస్టు చేయండి. ఏమో.... మీటైటిలే దర్శక నిర్మాతలకు నచ్చి ఓకే చేయొచ్చేమో? ఇంకెందుకు ఆలస్యం... కానివ్వండి!

ఇతర వివరాల్లోకి వెళితే.... హిందీ వెర్షన్లో షేర్ ఖాన్ పాత్రను సంజయ్ దత్ పోషిస్తుండగా, తెలుగు వెర్షన్లో శ్రీహరి విలన్ షేర్ ఖాన్ పాత్ర పోషిస్తున్నారు. సోనూసూద్ ఐపీఎల్ మ్యాచ్ లో గాయపడి షూటింగులో పాల్గొనే స్థితిలో లేక పోవడంతో అతని స్థానంలో శ్రీహరిని తీసుకున్నారు. గతంలో మగధీర చిత్రంలోనూ శ్రీహరి 'షేర్ ఖాన్' పాత్ర చేసిన విషయం తెలిసిందే. ఇప్పుడు ఈ సినిమాలో కూడా అతని పాత్ర పేరు షేర్ ఖాన్ కావడం కాకతాళీయమే అయినా..... అతనిపై పాత్రపై సర్వత్రా ఆస్తి నెలకొంది.