పసిడి ప్రియులకు బిగ్ షాక్.. మరీ ఇంతా ?!

By Chandrasekhar Rao

Updated: Wednesday, February 25, 2026, 11:22 [IST]

దేశంలో బంగారం, వెండి ధరలు మరోసారి పెరిగాయి. వాటి ధరలు పెగడం వరుసగా ఇది అయిదో రోజు. కిందటివారం నుంచీ క్రమం తప్పకుండా జంప్ చేస్తూనే వస్తోన్నాయి బంగారం, వెండి ధరలు. స్పాట్ మార్కెట్‌లో కొనుగోలు డిమాండ్ పెరగడం ఈ ధరల పెరుగుదలకు ప్రధాన కారణం. ముంబైలో 24 క్యారెట్ల బంగారం ధర 10 గ్రాములకు 1,61,890, 22 క్యారెట్లు 1,48,400 రూపాయల వద్ద లభిస్తోంది. మంగళవారం నాటితో పోల్చుకుంటే 0.31 శాతం పెరుగుదల చోటు చేసుకుంది.

మల్టీ కమోడిటీ ఎక్స్ఛేంజ్ (MCX)లో బుధవారం ప్రారంభ ట్రేడింగ్‌లో బంగారం ధర 10 గ్రాములకు రూ. 1,60,460కి చేరుకుంది. అదేవిధంగా, వెండి ధర 2.12 శాతం పెరుగుదలతో కిలోకు రూ. 2,66,263కి ఎగబాకింది. కిందటి నెలలో బంగారం 10 గ్రాములకు రూ. 1,80,000 ఆల్‌టైమ్ హై, వెండి కిలోకు రూ. 4,20,000తో రికార్డు స్థాయికి చేరిన విషయం తెలిసిందే. ఆ తరువాత క్రమంగా తగ్గుతూ వచ్చాయి. ఇప్పుడు మళ్లీ అదే బాట పట్టాయి.

Gold Climbs to Rs 1 60 460 per 10g and Silver Jumps to Rs 2 66 263 per kg on Feb 25 at MCX in India

ఢిల్లీ, జైపూర్‌లలో 24 క్యారెట్ల బంగారం 10 గ్రాములకు రూ. 1,62,040, 22 క్యారెట్లు రూ. 1,48,550గా నమోదయ్యాయి. అహ్మదాబాద్‌లో 24 క్యారెట్ల బంగారం రూ. 1,61,940 కాగా, 22 క్యారెట్లు రూ. 1,48,450 వద్ద లభించింది. పూణే, ముంబై, హైదరాబాద్, చెన్నై, బెంగళూరు, కోల్‌కతా వంటి ఆరు నగరాల్లో 24 క్యారెట్ల బంగారం ధర 10 గ్రాములకు రూ. 1,61,890గా ఉంది. 22 క్యారెట్ల బంగారం ధర 10 గ్రాములకు రూ. 1,48,400గా నమోదైంది.