సంక్రాంతిని అలా ప్లాన్ చేశారన్నమాట.. అలీ రెజా-సోహెల్ రచ్చ

సోహెల్ కోసం అలీ రెజా..

బిగ్ బాస్ నాల్గో సీజన్ నడిచినంత కాలం సోషల్ మీడియాలో మొత్తం సందడి వాతావరణం కనిపించేది. కంటెస్టెంట్ల కోసం ఫ్యాన్ వార్ జరగడం, సెలెబ్రిటీలు సైతం తమకు నచ్చిన కంటెస్టెంట్లకు మద్దతుగా నిలిచేవారు. అలా సోహెల్ కోసం అలీ రెజా అండగా నిల్చున్నాడు. ఓట్లు వేయమంటూ అలీ రెజా కోరేవాడు.

బయటకు వచ్చాక..

అయితే అలీ రెజా ఎంతగా మద్దతు చేసినా, అభిజిత్‌పై నెగెటివ్ కామెంట్స్ చేసినా కూడా చివరకు అభిజిత్ గెలిచాడు. అయితే బయటకు వచ్చాక అలీ రెజా సోహెల్ బాగానే పార్టీలు చేసుకున్నారు. సోహెల్‌కు రాహుల్ కూడా మద్దతు తెలిపాడు. సోహెల్ గురించి చెప్పే క్రమంలో రాహుల్ చేసిన పోస్ట్‌లు ఎంతగా వైరల్ అయ్యాయో అందరికీ తెలిసిందే.

ఇప్పుడు ఇలా..

అలీ రెజా, రాహుల్ సిప్లిగంజ్, యాంకర్ రవి, సోహెల్ అందరూ కలిసి సంక్రాంతిని గ్రాండ్‌గా సెలెబ్రేట్ చేసుకున్నారు. ఈ వేడుకలో యాంకర్ రవి తన ఫ్యామిలీతో సహా పాల్గొన్నాడు. పైగా ఈ వేడుకను అలీ రెజా, అతని భార్య మాసుమ హోస్ట్ చేశారట.

సోహెల్ ఎమోషనల్..

ఇక సంక్రాంతి వేడుకలను ఇంత గ్రాండ్‌గా స్పెషల్‌గా ఏర్పాటు చేయడంపై సోహెల్ ఎమోషనల్ అయ్యాడు. ఈ సంక్రాంతి ఎంతో బాగా జరిగింది.. మరిచిపోలేని సంక్రాంతిగా మారింది. అలీ రెజా భాయ్ అద్భుతంగా హెస్ట్ చేశాడు. రాహుల్ సిప్లిగంజ్ అన్న, రవి, మాసూమ బాబీ అందరూ కలిసి ఈ వేడుకలను మరింత ప్రత్యేకంగా చేశారంటూ ఎమోషనల్ అయ్యాడు.