సారా ఆలీ ఖాన్ కావాలా? సారా టెండూల్కర్ కావాలా? శుభమన్ గిల్‌ను ఆటపట్టించిన నెటిజన్లు

సచిన్ రికార్డు బ్రేక్

న్యూజిలాండ్‌తో భారత్ క్రికెట్ సిరీస్ జోరుగా సాగుతున్నది. ఇటీవల హైదరాబాద్‌లో జరిగిన వన్డే మ్యాచ్‌లో విరాట్ కోహ్లీ, శుభమన్ గిల్ సెంచరీలు కొట్టి భారత్‌కు విజయం అందించారు. శుభమన్ గిల్ వన్డేలో 208 పరుగులతో డబుల్ సెంచరీ సాధించాడు. అంతేకాకుండా సచిన్ పేరిట ఉన్న రికార్డును బ్రేక్ చేశాడు.

సారా సారా అంటూ టీజింగ్

దాంతో వన్డేలో అరుదైన ఫీట్ సాధించిన శుభమన్ గిల్‌ను నెటిజన్లు, క్రీడాభిమానులు ప్రశంసలతో ముంచెత్తారు. డబుల్ సెంచరీ సాధించిన శుభమన్ గిల్‌ను స్టేడియంలో అభిమానులు టీజ్ చేశారు. బౌండరీ వద్ద ఫీల్డింగ్ చేస్తున్న శుభమన్‌ను చూసి సారా.. సారా అని ఆటపట్టించారు. అయితే సారా అంటూ ఆటపట్టించినా.. ఆనందంతో శుభమన్ గిల్ చేతులు ఊపుతూ ఉత్సాహంగా కనించాడు.

సారాతో ఉన్న ఆఫైర్లే కారణం

ఉప్పల్ స్టేడియంలో సారా సారా అంటూ ఆటపట్టించడం వెనుక బాలీవుడ్ హీరోయిన్ సారా ఆలీ ఖాన్, అలాగే సచిన్ టెండూల్కర్ కూతురు సారా టెండూల్కర్‌తో ఉన్న ఆఫైర్లే కారణంగా నిలిచింది. శుభమన్ గిల్ పేరు ఈ ఇద్దరి భామలతో ముడిపెడుతూ భారీగా మీడియాలో కథనాలు వచ్చాయి. దాంతో శుభమన్‌ను సారా అంటూ ఆటపట్టించారు.

సారా ఆలీ ఖాన్‌తో డేటింగ్

శుభమన్ గిల్‌కు గతంలో సారా ఆలీ ఖాన్‌తో మంచి రిలేషన్ ఉందనేది కాదనలేని నిజం. వారిద్దరూ ముంబైలో పలు పార్టీలు, రెస్టారెంట్లలో చెట్టాపట్టాలేసుకొని కనిపించారు. దాంతో వారి మధ్య రసవత్తరంగా అఫైర్ సాగుతుందని ఊహాగానాలు మీడియాలో వచ్చాయి. కొద్ది నెలల క్రితం సారా ఆలీ ఖాన్, శుభమన్ గిల్ అఫైర్ హాట్ టాపిక్‌గా మారింది.

సారా టెండూల్కర్‌తో అఫైర్

అయితే శుభమన్ గిల్ తన డేటింగ్, అఫైర్ వార్తలకు చెక్ పెడుతూ.. ఏకంగా సచిన్ టెండూల్కర్ కూతురు సారా టెండూల్కర్‌తో సన్నిహితంగా కనిపించడం మొదలుపెట్టాడు. సారా టెండూల్కర్, శుభమన్ గిల్ మధ్య రిలేషన్‌పై భారీగా చర్చ జరుగుతున్నది. ఈ క్రమంలో డబుల్ సెంచరీ చేసిన శుభమన్ గిల్‌ను సారా సారా అని ఆటపట్టించారు.