ప్లాప్ లో ఉన్న ఒకప్పటి స్టార్ దర్శకులకు గోల్డెన్ ఛాన్సులు.. ఇప్పుడైనా హిట్ కొడతారా?

ఎన్టీఆర్ నమ్మినప్పట్టికి..

మొదట ఆంధ్రవాలా సినిమాను రీమేక్ చేసి సక్సెస్ అందుకున్న మెహర్ రమేష్ టాలెంట్ కు ఎన్టీఆర్ అప్పట్లో ఫిదా అయ్యాడు. ఆ తరువాత ఒక్కడు కూడా కన్నడలో రీమేక్ చేసి హిట్ కొట్టాడు. ఇక ఎన్టీఆర్ అయితే ప్లాప్ సినిమాను రీమేక్ చేసి సక్సెస్ కొట్టడు అని ఎంతో నమ్మకంతో కంత్రి సినిమా చేయడానికి ఒప్పుకున్నాడు. కానీ ఆ సినిమా హిట్టవ్వలేదు. బిల్లా చేసిన తరువాత శక్తి కూడా డిజాస్టర్ అయ్యింది.

ఈ సారి మెగాస్టార్ నమ్మాడు

ఇక దర్శకుడి పనైపోయిందని అనుకున్న తరుణంలో షాడో తీశాడు. ఆ సినిమా కూడా బెడిసికొట్టింది. ఇక కోలుకోవడం కష్టం అనుకోగా అనుకోకుండా మెగాస్టార్ తో తమిళ్ వేదళం రీమేక్ ను తెరకెక్కించే అవకాశం అందుకున్నాడు. ఈ సినిమా ఒక గోల్డెన్ ఛాన్స్ అనే చెప్పాలి. మరి మెహర్ రమేష్ ఎలాంటి హిట్ అందుకుంటాడో చూడాలి.

శ్రీను వైట్ల డీ.. డబుల్ డోస్

వెంకీ, డీ, దుబాయ్ శీను, దూకుడు వంటి సినిమాలతో మంచి హిట్స్ అందుకున్న శ్రీను వైట్ల ఆ తరువాత ఆగడు నుంచి వరుస అపజయలతో డీలా పడ్డాడు. సెంటిమెంట్ గా రవితేజతో మరోసారి చేసిన అమర్ అక్బర్ ఆంటోనీ సినిమా కూడా పెద్దగా హిట్టవ్వలేదు. ఇక ఇప్పుడు విష్ణుతో డీ సీక్వెల్ ను ప్లాన్ చేస్తున్నాడు. మరి ఆ సినిమా ఎంతవరకు సక్సెస్ అవుతుందో చూడాలి.

బొమ్మరిల్లు భాస్కర్.. ఆశలన్నీ అఖిల్ పైనే..

ఇక మరొక ముఖ్యమైన దర్శకుడు బొమ్మరిల్లు భాస్కర్. బొమ్మరిల్లు సినిమా తరువాత పరుగు సినిమాతో మంచి దర్శకుడిగా క్రేజ్ అందుకున్న భాస్కర్ ఆ తరువాత చేసిన ఆరెంజ్ సినిమాతో ఒక్కసారిగా డీలా పడ్డాడు. ఒంగోలు గిత్త అయితే దారుణమైన రిజల్ట్ ను అందుకుంది. ఇక ఇప్పుడు అఖిల్ తో మోస్ట్ ఎలిజిబుల్ బ్యాచిలర్ సినిమాతో తన అదృష్టాన్ని పరీక్షించుకోబోతున్నాడు. మరి ఆ సినిమా ఎంతవరకు హిట్ అవుతుందో చూడాలి.