జున్ను బర్త్ డే.. లాస్య గ్రాండ్ పార్టీ.. భార్యతో కలిసి యాంకర్ రవి హల్చల్

జున్ను గాడు అంటూ..

బిగ్ బాస్ ఇంట్లో లాస్య ఉన్నంత కాలం జున్ను అనే మార్మోగిపోయింది. తన కొడుకును లాస్య తలుచుకోని రోజంటూ లేదు. చివరకు ఓ రోజు జున్ను మాట్లాడిన మాటలను కూడా బిగ్ బాస్ ప్లే చేశాడు. ఫ్యామిలీ మెంబర్స్‌ను బిగ్ బాస్ తన ఇంట్లోకి ఆహ్వానించిన సమయంలో జున్ను కూడా తన అమ్మను చూసేందుకు వచ్చాడు.

నాగార్జున అలా..

ఫ్యామిలీ మెంబర్స్ ఎపిసోడ్‌లో భాగంగా జున్ను ఇంట్లోకి వచ్చినప్పుడు లాస్యను అంతగా పట్టించుకోలేదు. తన కారుతో ఆడుకుంటూ ఉండిపోయాడు. లాస్య ఎంతగా ఎమోషనల్ అయినా కూడా జున్ను మాత్రం అస్సలు పట్టించుకోలేదు. ఇదే విషయంపై నాగార్జున కూడా కౌంటర్ వేశాడు.

జున్నుతో స్పెషల్ వీడియో..

బిగ్ బాస్ ఇంటి నుంచి బయటకు వచ్చిన లాస్య తన యూట్యూబ్ చానెల్‌ను బాగానే ప్రమోట్ చేసుకుంటోంది. తన వ్యక్తిగత జీవితానికి సంబంధించిన వీడియోలు, భర్త, పిల్లాడితో కలిసి చేసిన సరదా వీడియోలను కూడా షేర్ చేస్తూ వస్తోంది. అలా జున్నుతో చేసిన అల్లరి బాగానే వైరల్ అవుతుంటుంది.

తాజాగా అలా..

అయితే నిన్న జున్ను బర్త్ డే సందర్బంగా లాస్య గ్రాండ్ పార్టీ ఇచ్చినట్టుంది. ఇందులో కామెడీ స్టార్స్ సభ్యులందరూ పాల్గొన్నట్టు కనిపిస్తోంది. ఇందులో రవి తన భార్యతో కలిసి హల్చల్ చేసినట్టు కనిపిస్తోంది. మామూలుగా అయితే ఇప్పుడు లాస్య, రవి ఇద్దరూకూడా ఫ్యామిలీ ఫ్రెండ్స్ అయిపోయారు.

ఉగాది ఈవెంట్..

ప్రస్తుతం లాస్య, రవి కలిసి ఉగాది ఈవెంట్‌ను కూడా హోస్ట్ చేయబోతోన్నట్టు కనిపిస్తోంది. ఈ మేరకు రవి చేసిన పోస్ట్‌లు, షేర్ చేసిన ఫోటోలు వైరల్అవుతున్నాయి. ఇప్పటికే స్టార్ మాలో ఉగాది పండుగ కోసం కార్తీకదీపం టీంతో రామాయణ గాథను వివరించే ప్రోమో బాగానే వైరల్ అయింది.