Don't Miss!
- News Gannavaram: ఒకే రోజు వంశీ, యార్లగడ్డ నామినేషన్- ఇద్దరికీ షాక్..?
- Lifestyle నిమ్మరసంతో ఇన్ని ప్రయోజనాలాా..? కిడ్నీలో రాళ్లు కూడా మాయం, ఇంకా ఎన్నో..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Sports IPL 2024: ధోనీపై గంభీర్ అక్కసు.. మండిపడుతున్న చెన్నై ఫ్యాన్స్!
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Technology ధర రూ.1099 కే నావిగేషన్ ఫీచర్ తో boAt స్మార్ట్ వాచ్! సేల్, ఫీచర్ల వివరాలు
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
హీరోయిన్స్ కు ప్రాధాన్యమేదీ?: అమలా పాల్
చెన్నై : అగ్రనటుల సినిమాల్లో హీరోయిన్స్ కు ప్రాధాన్యం ఉండదని ఆవేదన వ్యక్తం చేస్తోంది నటి అమలాపాల్. తమిళంతో పాటు తెలుగులోనూ హవా చాటుకుంటోందీ సుందరి. 'తలైవా'(అన్న) తో మళ్లీ తమిళ ప్రేక్షకులను పలకరించింది. ఆమె ముచ్చటిస్తూ.. మలేషియాలో 'దైవతిరుమగల్' చిత్రీకరణ జరుగుతున్నప్పుడు దర్శకుడు విజయ్ కొత్త సినిమా కథ చెప్పారు. డ్యాన్స్పై ఆసక్తి ఉన్న అమ్మాయిగా, పోలీసు అధికారిణిగా కనిపించాల్సి ఉందన్నారు.
చాలారోజుల తర్వాతే ఇందులో విజయ్ నటిస్తున్నారని, అదే 'తలైవా' అని చెప్పారు. ఎంతో ఆశ్చర్యమేసింది. ఆయన అడిగిన సమయంలో నా వద్ద కాల్షీట్లు లేవు. సినిమా తెరకెక్కేందుకు కాస్త ఆలస్యమైనందున అదృష్టం కొద్దీ 'తలైవా'తో జోడీకట్టాను. వాస్తవానికి పెద్ద హీరోల సినిమాల్లో హీరోయిన్ బొమ్మలా వచ్చి వెళ్లాల్సిందే. అయితే 'తలైవా'లో ప్రాధాన్యం ఉన్న పాత్ర ఇచ్చారు. చిత్రీకరణ సమయంలో నటుడు విజయ్ చాలా మంచి విషయాలు నేర్పారు. విజయ్తో నటించడం అదృష్టంగా భావిస్తున్నానని చెప్పారు.
అన్న చిత్రంలో హీరోయిన్గా దర్శకుడు విజయ్ తనను ఎంపిక చేసినప్పుడు కలిగిన సంతోషం మాటల్లో చెప్పలేనంది. తన జీవితంలో ఊహించని సంఘటనలు చాలా జరిగాయని పేర్కొంది. తాను స్నేహానికి చాలా విలువనిస్తానని తెలిపింది. సాధారణంగా స్టార్ హీరోల చిత్రాలలో హీరోయిన్లకు ప్రాముఖ్యం ఉండదని పేర్కొంది. అయితే తలైవాలో తన పాత్రకు చాలా ప్రాధాన్యం ఉంటుందని వివరించింది. ఈ పాత్రలో నటించడం చాలెంజింగ్గా ఉందని పేర్కొంది. ఈ పాత్ర పోషణలో హీరో విజయ్ తనకు చాలా సహకరించారని చెప్పింది. వృత్తి పట్ల అంకితభావం గల వ్యక్తి విజయ్ అని పొడగ్తలు కురిపించింది.