చెన్నై : తెలుగు, తమిళంలో తనకంటూ ప్రత్యేక గుర్తింపును సొంతం చేసుకున్న హీరో సిద్ధార్థ్‌. అయితే తెలుగులో ఆయన సినిమాలు ఆడకపోవటంతో ఇటువైపు కన్నెత్తి చూడటం లేదు. అయితే తాజాగా ఓ చిత్రం మాత్రం తమిళ ప్రేక్షకుల కోసం చేయటానికి సిద్దమయ్యారు.
సిద్దార్ద...తాజాగా నాలుగు సినిమాల్లో కమిట్‌ అయ్యారు. శశి దర్శకత్వంలో తాజాగా ఓ చిత్రంలో నటించేందుకు సంతకం చేశారు. మరోవైపు 'కప్పల్‌' దర్శకుడు కార్తిక్‌ క్రిష్‌ దర్శకత్వంలో 'సైతాన్ కా బచ్చా', రతీష్‌ అంబత్‌ దర్శకత్వంలో ఓ సినిమా; తెలుగు, తమిళం, కన్నడ, మలయాళంలో ఏకకాలంలో తెరకెక్కే మరో చిత్రంలో కూడా సిద్ధార్థ్‌ కమిట్‌ అయ్యారు.
సిద్దార్ద మాట్లాడుతూ.. ''మంచి చిత్రాల్లో నటించడం కోసం ఇంత కాలం వేచిచూశా. అందుకు తగిన అవకాశాలు వస్తాయనుకున్నా. కాస్త నిరీక్షణ అనంతరం అది నెరవేరింది''అని తెలిపారు.
మూడేళ్లుగా 'ఉదయం..', 'తీయా వేలై సెయ్యనుం కుమారు', 'జిగర్‌దండా', 'కావియ తలైవన్‌'.. వంటి చిత్రాలతో మెప్పించారు. వీటిలో చాలా వరకు సినిమాలు ఆయనకు నిరాశనే మిగిల్చాయి. గత ఏడాది 'ఎనక్కుల్‌ ఒరువన్‌'లో మాత్రమే ఆయన నటించారు. కొత్త సినిమాలను ఎంచుకునే విషయంలోనూ ఆచితూచి అడుగులేశారు.
