Don't Miss!
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఇకపై విలన్ గా నటించను!
చెన్నై: వెంకటేష్ నటించిన ఘర్షణ చిత్రం చూసిన వారికి అందులో పాండా క్యారక్టర్ గుర్తుండే ఉండి ఉంటుంది. ఆ పాత్రకు మూలం తమిళంలో కాక్క కాక్క సినిమాలోని విలన్ జీవన్ చేసిన పాత్ర. ఆ పాత్రకు గానూ జీవన్ కు అవార్డు సైతం వచ్చింది. ఆ సినిమాలో కనిపించిన జీవన్ తమిళంలో ఫుల్ బిజీ విలన్ గా మారారు. అయితే జీవన్ కి తొలి నుంచీ హీరో అవ్వాలనే కోరిక. దాంతో ఇక విలన్ గా నటించననే నిర్ణయం తీసుకున్నారు. ఈ విషయం ఆయనే మీడియాకు తెలియచేసారు.
ఫేస్బుక్ ద్వారా లేటెస్ట్ అప్డేట్స్ ఎప్పటికప్పుడు
'యూనివర్శిటీ', 'కాక్కకాక్క', 'తిరుట్టుపయలే', 'మచ్చక్కారన్' వంటి చిత్రాల ద్వారా ప్రేక్షకులకు దగ్గరయ్యారు నటుడు జీవన్. చాలాకాలం తర్వాత ఆయన నటించిన సినిమా 'అదిబర్'. విద్య కథానాయిక. ఈనెలాఖరులో సినిమా విడుదల కానుంది. ఈ సందర్భంగా ఆయన మీడియాతో ముచ్చటించారు.
జీవన్ మాట్లాడుతూ... '' 'నాన్ అవన్ ఇల్త్లె 2' విడుదలైన మూడు సంవత్సరాల తర్వాత ఈ సినిమాలో నటిస్తున్నా. ఈ మధ్యకాలంలో అవకాశాలు వచ్చినా కొన్ని కారణాల వల్ల నటించలేకపోయా. 'యూనివర్శిటీ'లో హీరోగా చేశా. తర్వాత 'కాక్కకాక్క' (తెలుగులో ఘర్ణణ) లో విలన్గా కనిపించా. ప్రేక్షకులు నా నుంచి భిన్నమైన చిత్రాలనే ఆశించారు.
పదేళ్లుగా అదే తరహాలో కనిపించా. ప్రస్తుతం 'అదిబర్'తోపాటు 'జెయిక్కర కుదిరై', 'కృష్ణలీలై' తదితర చిత్రాల్లో నటిస్తున్నా. ఇకపై విరామం తీసుకోకూడదని భావిస్తున్నా. అంతేకాదు.. విలన్గా నటించబోను.
హీరోగా వచ్చే అవకాశాలనే సద్వినియోగం చేసుకుంటా. మంచి నటుడిగా గుర్తింపు తెచ్చుకోవాలన్నదే నా తాపత్రయం. నేనెప్పుడూ అవకాశాల కోసం ఎదురుచూడలేదు. దేవుడు ఇచ్చిన చిత్రాల్లోనే నటిస్తున్నా. త్వరలో విడుదల కానున్న 'అదిబర్' తప్పకుండా నాకు మరింత గుర్తింపునిస్తుంది. ఈ సినిమాతో మరోస్థాయికి వెళ్తాననే నమ్మకముంద''ని చెప్పారు.