విజయ్ కూడా పాన్ ఇండియా అంటున్నాడు.. బిగ్ బడ్జెట్ సినిమాతో బిగ్ టార్గెట్!

మాస్టర్ సినిమాతో బాక్సాఫీస్ హిట్

ఇటీవల సంక్రాంతికి ప్రేక్షకుల ముందుకు మాస్టర్ సినిమాతో వచ్చిన విజయ్ అటు తమిళ్ లోనే కాకుండా తెలుగులో కూడా పవర్ఫుల్ హిట్ కొట్టాడు. రెండు చోట్లా కూడా విజయ్ తన స్టార్ స్టామినా ఏమిటో చూపించాడు. తెలుగు రాష్ట్రాల్లో విజయ్ పెట్టిన పెట్టుబడులకు ప్రాఫిట్స్ అందిస్తాడాని ఎవరు ఊహించలేదు.

టాలీవుడ్ లో న్యూ టార్గెట్

తెలుగులో మాస్టర్ సినిమా 15కోట్ల బిజినెస్ చేసినప్పటికీ రానున్న రోజుల్లో విజయ్ సినిమాలు క్లిక్కయితే ఇక్కడ కూడా సరికొత్త సెనేషన్స్ క్రియేట్ చేయగలవని చెప్పవచ్చు. ప్రస్తుతం రజినీకాంత్ హవా గతంలో మాదిరిగా అయితే కనిపించడం లేదు. ఇక ఆయన తరువాత విజయ్ మాత్రం బలమైన మార్కెట్ సెట్ చేసుకోవడానికి టార్గెట్ సెట్ చేసుకున్నట్లు తెలుస్తోంది.

విజయ్ 65.. అసలైన పాన్ ఇండియా మూవీగా

ఇక విజయ్ 65వ సినిమా సౌత్ లోనే కాకుండా బాలీవుడ్ లో కూడా భారీగా రిలీజ్ కానుందట. అసలైన పాన్ ఇండియా సినిమాగా రూపొందించనున్నట్లు తెలుస్తోంది. అసలైతే 65వ సినిమాను మురగదాస్ తో చేయాల్సింది. కానీ అది క్యాన్సిల్ అయ్యింది. మురగదాస్ ను కాదని విజయ్ ఒక యువ దర్శకుడు చెప్పిన ప్రాజెక్టుకు గ్రీన్ సిగ్నల్ ఇచ్చాడు.

మాఫియా బ్యాక్ డ్రాప్ లో..

రోబో వంటి హిట్ సినిమాను నిర్మించిన సన్ పిక్చర్స్ విజయ్ 65వ సినిమాని నిర్మిస్తోంది. ఇక దర్శకుడు ఏవరంటే.. నయనతారతో కోలమావు కోకిల, శివకార్తికేయన్ తో డాక్టర్ వంటి సూపర్ హిట్ సినిమాలను తెరకెక్కించిన నెల్సన్ దిలీప్ కుమార్. ఈ దర్శకుడు ఇంటర్నేషనల్ మాఫియా బ్యాక్ డ్రాప్ లో కథను రెడీ చేసినట్లు సమాచారం. అందుకే సినిమాను భారీ బడ్జెట్ తో పాన్ ఇండియా సినిమాగా ప్లాన్ చేస్తున్నాట్లు తెలుస్తోంది. మరి విజయ్ ఆ సినిమాతో ఏ రేంజ్ లో హిట్టు అందుకుంటాడో చూడాలి.