‘సర్కార్’ కు ఊహించని షాక్... దానికి ఒప్పుకోనంటున్న మురుగదాస్, ఇక కోర్టులోనే!

ఆ రెండూ ఒకేలా ఉన్నాయి

‘సెంగోల్' టైటిల్‌తో తాను రాసుకున్న స్క్రిప్టును మురుగదాస్ కాపీ కొట్టారని వరుణ్ రాజేంద్రన్ ఫిర్యాదు చేయడంతో దీనిపై విచారణ జరిపిన రచయితల సంఘం.... మురుగదాస్ మూవీ స్క్రిప్టు వరుణ్ రాసుకున్న స్క్రిప్టును పోలి ఉందని తేల్చారు.

Recommended Video

Vijay's Sarkar open BIGGER Than Prabhas' Baahubali 2 At The Box Office ?

మురుదాస్ ఒప్పుకోలేదు

రచయితల సంఘం అధ్యక్షుడు కె భాగ్యరాజ్ ఈ విషయమై స్పందిస్తూ.. ‘వరుణ్ రాజేంద్రన్‌కు టైటిల్స్‌లో క్రెడిట్ ఇవ్వాలని అడిగాము. కానీ అందుకు మురుగదాస్ అంగీకరించలేదు. శివాజీ గణేశన్ రియల్ లైఫ్ ఎలక్షన్ కాంపెయిన్ నుంచి ఇన్‌స్పైర్ అయి తాను రాసుకున్నట్లు తెలిపారు. దీంతో మేము అతడికి మరో ఆల్టర్నేట్ సొల్యూషన్ కూడా చెప్పాం. రియల్ సంఘటనల ఆధారంగా తెరకెక్కించిన సినిమా అని సినిమా మొదట్లో వేయాలని కోరాం, దీంతో పాటు అదనంగా వరుణ్‌కు కూడా క్రెడిట్ ఇవ్వాలని కోరాం. ఈ రెండింటికీ మురుగదాస్ ఒప్పుకెలేదు. దీంతో మేము ఈ విషయంలో ఏమీ చేయలేక పోతున్నామని, మా సాధ్యమైనంత మేర ప్రయత్నించామని, ఇలా జరిగినందుకు చింతిస్తున్నామని వరుణ్‌కు లేఖ రాశాం.'' అని తెలిపారు.

కోర్టు కెక్కిన వరుణ్ రాజేంద్రన్

ఈ పరిణామాల నేపథ్యంలో రచయిత వరుణ్ రాజేంద్రన్ కోర్టుకు ఎక్కారు. మద్రాస్ హై కోర్టు ఈ కేసును అక్టోబర్ 30న విచారించనుంది. అయితే మురుగదాస్ మీద కాపీ ఆరోపణలు రావడం ఇదే తొలిసారి కాదు. గతంలో కత్తి సినిమా సమయంలో కూడా ఆయన కథపై ఇలాంటి ఆరోపణలు వచ్చాయి.

కోర్టులోనే తేల్చుకుంటామన్న మురుగదాస్

మురుగదాస్ స్పందిస్తూ రచయితల సంఘం అధ్యక్షుడు భాగ్యరాజ్‌ కేవలం వరుణ్ తరఫు వాదననే విన్నారు. మమ్మల్ని కలవలేదు. ఆయన చేసింది చాలా పెద్ద తప్పు. ‘సర్కార్' కథ తెలుసుకోకుండా ఓ నిర్ణయానికి రావడమేంటని ప్రశ్నించారు. ఈ విషయాన్ని మేము కోర్టులోనే తేల్చుకుంటామన్నారు.

అది ఎలా సాధ్యం?

ఓట్ల దుర్వినియోగం ఎలా జరుగుతందనే అంశం మాత్రమే మా స్క్రిప్టులో సేమ్ టు సేమ్ ఉన్నాయి. వరుణ్‌ కథలో చాలా అంశాలు లేవు. నా కథలో ఇటీవల కాలంలో జరిగిన రాజకీయ పరిణామాలు చూపించాం. తమిళనాడు మాజీ ముఖ్యమంత్రి జయలలిత గురించి కూడా ఇందులో ఉంటుంది. వరుణ్‌ 2007లో కథ రాసుకుంటే? జయలలిత అంశం ఎలా ఉంటుంది? అని మురుగదాస్ ప్రశ్నించారు.

రూ. 30 లక్షలు, క్రికెట్ ఇవ్వడానికి నో

కాగా... తాను కేసు విత్ డ్రా చేసుకోవాలంటే సినిమా టైటిల్‌లో క్రెడిట్ ఇవ్వాలని, దాంతో పాటు రూ. 30 లక్షలు చెల్లించాలని వరుణ్ రాజేంద్రన్ కోరినట్లు సమాచారం. అయితే అందుకు ససేమిరా అన్ని మురుగదాస్ కోర్టులోనే ఈ విషయాన్ని తేల్చుకుంటామని చెప్పినట్లు సమాచారం.