17 ఏళ్ల తర్వాత రజనీకాంత్ మళ్లీ అలా...

17 ఏళ్ల తర్వాత రజనీ మళ్లీ ఇలా...

2000 సంవత్సరంలో అనిల్ కపూర్‌తో కలిసి నటించిన 'బులందీ' సినిమా కోసం రజనీకాంత్ హిందీలో డబ్బింగ్ చెప్పారు. 17 సంవత్సరాల అనంతరం రజనీ మళ్లీ ‘కాలా' సినిమా కోసం హిందీలో డబ్బింగ్ చెబుతున్నారు.

కరికాలన్

కరికాలన్ అలియాస్ కాలా పాత్రలో రజనీకాంత్ ఈచిత్రంలో కనిపిస్తారు. కరికాలన్‌ అంటే అర్థం యోధుడు, సమర్థుడు అని. దాంతో, ఇది నూటికి నూరుపాళ్ళూ పొలిటికల్‌ సినిమాయేనని రజనీకాంత్‌ అభిమానులు భావిస్తున్నారు. మరోపక్క, ఈ సినిమా టైటిల్‌ వెనుక రాజకీయ కారణాలేమీ లేవనీ, పవర్‌ఫుల్‌గా వుంటుందనే ఈ టైటిల్‌ పెట్టామని నిర్మాత ధనుష్‌ చెబుతున్నాడు.

ఆ జీపు వెనుక స్టోరీ

'కాలా' ఫస్ట్ లుక్ పోస్టర్లో జీపు మీద కూర్చొని డాన్ లా కనిపిస్తున్న రజని ఈ సినిమాలో ఒక మాఫియా లీడర్ పాత్ర చేస్తున్నారని ఇప్పటికే టాక్. అక్కడ కూర్చున్న జీప్ నెంబర్ MH 01 BR 1956 అని ఉంది. ఈ జీప్ నెంబర్ కూడా చర్చనీయాంశం అయింది. MH అంటే మహారాష్ట్ర అని అర్ధం. ఇక దేశంలోనే గొప్ప బిజినెస్ రాష్ట్రాలుగా పేరు పొందిన గుజరాత్, మహారాష్ట్ర ఒకప్పుడు కలిసుండేవి. 1956లో అవి చీలిపోయాయి. అదే ఏడాది బి.ఆర్.అంబేద్కర్ కూడా చనిపోయారు. సినిమాకు, ఈ అంశాలకు ఏమైనా సంబంధం ఉంటుందా? అనే సందేహాలు వ్యక్తం అవుతున్నాయి.

కాలా

ఇంతకు ముందు రజనీకాంత్‌కు ‘కబాలి' లాంటి హిట్ అందించిన పా రంజిత్ ఈచిత్రానికి దర్వకత్వం వహిస్తున్నారు. రజనీకాంత్ అల్లుడు ధనుష్ ఈ చిత్రాన్ని నిర్మిస్తున్నారు. రజనీకాంత్, హుమా ఖురేషి, సముద్రఖని ముఖ్యపాత్రల్లో నటిస్తున్న ఈ చిత్రం 2018లో ప్రేక్షకుల ముందుకు రాబోతోంది.