ఈ ‘రోషగాడు’ చిరంజీవి కాదు... ‘బిచ్చగాడు’!

ఈ ‘రోషగాడు' చిరంజీవి కాదు ‘బిచ్చగాడు'

‘బిచ్చగాడు' సినిమాతో తెలుగులో తనకంటూ ప్రత్యేక గుర్తింపు తెచ్చుకున్న తమిళ నటుడు విజయ్ ఆంటోనీ త్వరలో ‘రోషగాడు' అనే టైటిల్‌తో టాలీవుడ్ ప్రేక్షకుల ముందుకు రాబోతున్నాడు. ప్రస్తుతం

అదే టైటిల్ ఫిక్స్

ప్రస్తుతం విజయ్ ఆంటోనీ తమిళంలో ‘తిమురు పుడిచావన్' అనే చిత్రంలో నటించడానికి సిద్ధమవుతున్నాడు ఈ చిత్రానికి తెలుగులో ‘రోషగాడు' అనే టైటిల్ ఫిక్స్ చేశారు.

షూటింగ్ డేట్ ఖరారు

ఫిబ్రవరి 7వ తేదీ నుండి 'రోషగాడు' సినిమా మొదలు కానుంది. గణేశ దర్శకుడిగా వ్యవహరించనున్నాడు ఈ సినిమాలో ఆయన పోలీస్ ఆఫీసర్ అనే విషయం పోస్టర్ ను బట్టి తెలుస్తోంది.

చిరంజీవిని బాగా వాడేస్తున్నాడు

విజయ్ ఆంటోని ఇంతకుముందు చేసిన సినిమాకి చిరంజీవి పాత్ర పేరైన 'ఇంద్రసేన' అనే టైటిల్ పెట్టిన సంగతి తెలిసిందే. ఇపుడే ఏకంగా చిరంజీవి టైటిలే తన సినిమాకు పెట్టుకోవడంతో ఈ తమిళ ‘బిచ్చగాడు' తెలుగు మెగాస్టార్‌ను బాగా వాడేస్తున్నాడనే కామెంట్స్ వినిపిస్తున్నాయి.

చిరంజీవి ద్వారా ప్రమోషన్స్

తన గత సినిమాకు ‘ఇంద్రసేన' అనే టైటిల్ పెట్టుకున్న విజయ్ ఆంటోనీ చిరంజీవితో ఫస్ట్ లుక్, టీజర్ విడుదల చేయించారు. ఇపుడు ‘రోషగాడు' సినిమాను కూడా ఆయన ద్వారానే ప్రమోషన్స్ నిర్వహించేందుకు ప్లాన్ చేసుకుంటున్నాడట.