టీవీ యాంకర్‌ను పెళ్లాడిన శంతను భాగ్యరాజ్ (ఫోటోస్)

By Bojja Kumar

Published: Wednesday, August 19, 2015, 13:29 [IST]

హైదరాబాద్: తమిళ నటుడు, దర్శకుడు కె. భాగ్యరాజ్ తెలుగు ప్రేక్షకులకు సుపరిచితమే. ఆయన సినిమాలు అప్పట్లో తెలుగులోనూ విడుదలయ్యాయి. భాగ్యరాజ్ కొడుకు శంతను భాగ్యరాజ్ తమిళంలో హీరోగా ఎదిగాడు. పలు చిత్రాల్లో నటించినా పెద్దగా గుర్తింపు దక్కలేదు. దీంతో తెలుగు ప్రేక్షకులకు అతను పరిచయం లేదనే చెప్పాలి.

ఆ సంగతి పక్కన పెడితే... శంతను భాగ్యరాజ్ వివాహం టీవీ యాంకర్ కీర్తితో మంగళవారం జరిగింది. ఇద్దరిదీ ప్రేమ వివాహం. సినీ ప్రముఖుల మధ్య తన పెళ్లి వేడుకను గ్రాండ్ గా సెలబ్రేట్ చేసుకున్నాడు శంతను భాగ్యరాజ్. సోషల్ మీడియాలో వీరి పెళ్లికి సంబంధించిన ఫోటోలు హల్ చల్ చేస్తున్నాయి.

వివాహానికి ముందు జరిగే సంగీత్ సెర్మనీలో సెల్రబిటీలంతా ఆట పాటల్లో మునిగి తేలారు. ఈ వేడుకలో నటుడు విశాల్, శ్యామ్ తదితరులు పాల్గొన్నారు. స్లైడ్ షోలో అందుకు సంబంధించిన ఫోటోలు...