తప్పు చేయలేదు.. ఎలాంటి శిక్షకైనా రెడీ: చిన్మయి లైంగిక వేధింపుల ఆరోపణలపై సింగర్ కార్తీక్!

ఎలాంటి శిక్షకైనా సిద్ధమే

నాపై వచ్చిన ఆరోపణలు రుజువైతే నేను ఎలాంటి శిక్షకైనా సిద్ధమే. మీ టూ ఉద్యమానికి నేను ఎప్పుడూ సహకారం అందిస్తాను. నాపై ఎవరో తెలియని వ్యక్తి లైంగిక ఆరోపణలు చేయడం బాధ కలిగింది. వాస్తవమేమిటో నా ఆత్మకు తెలుసు అని కార్తీక్ ఆవేదన వ్యక్తం చేశాడు.

ఇతరుల మనోభావాలకు వ్యతిరేకంగా

నా చుట్టూ ఉండే వ్యక్తులు గానీ, నాకు పరిచయం ఉన్న వాళ్ల మనోభావాలకు వ్యతిరేకంగా నేను ఎన్నడూ బాధపెట్టలేదు. అంతేకాకుండా నాకు తెలిసి ఎవర్నైనా నొప్పించిన దాఖలాలు కూడా లేవు. నాతో ఉండే వారు ఎన్నడూ అభద్రతాభావంతో కూడా బాధ పడిన పరిస్థితులు లేవు అని కార్తీక్ లేఖలో పేర్కొన్నారు.

నాతో డైరెక్ట్‌గా మాట్లాడండి

నా తీరు, ప్రవర్తన వల్ల ఎవరైనా బాధపడినట్టు భావిస్తే, నాతో డైరెక్ట్‌గా మాట్లాడండి. ఎవరైనా లైంగిక వేధింపులకు గురైతే నేనే స్వయంగా వారికి అండగా నిలిచి నైతికంగా మద్దతు ప్రకటిస్తాను. నావల్ల ఎవరైనా ఇబ్బందులకు గురైతే వారు విధించే శిక్షకు లేదా క్షమాపణ చెప్పడానికి ఎల్లప్పుడూ నేను సిద్ధమే అని కార్తీక్ పేర్కొన్నారు.

నాకు అండగా నిలిచిన వారికి

నేను మీ టూ వివాదంలో ఆరోపణలు ఎదుర్కొన్న సమయంలో నాకు అండగా నిలిచిన నా ఫ్యామిలీ, నా భార్య, అభిమానులకు థ్యాంక్స్ చెప్పుకుంటున్నాను. నాకు సహకారం అందించిన మీడియాకు రుణపడి ఉంటాను. ఇక ముందు వివాదాలకు తావులేని లైఫ్‌ను లీడ్ చేయాలని భావిస్తున్నాను అని కార్తీక్ లేఖలో పేర్కొన్నారు.