Don't Miss!
- News ఏప్రిల్ లో అంగారక యోగం: ఈ మూడు రాశుల వారికి ఆర్థిక నష్టాలు, ఊహించని కష్టాలు
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
సోలో ఫస్ట్ టాక్.. దుల్కర్ సల్మాన్ టెర్రిఫిక్ యాక్టింగ్.. ఒకే టికెట్పై నాలుగు సినిమాలు
Recommended Video
దక్షిణాది యువ సూపర్ స్టార్ దుల్కర్ సల్మాన్ తాజా చిత్రం సోలో. శ్రుతీహరిహరన్, నేహా శర్మ, సాయి ధన్సిక హీరోయిన్లుగా నటించిన చిత్రం శుక్రవారం (అక్టోబర్ 6న) ప్రేక్షకుల ముందుకు వచ్చింది. సైతాన్ చిత్రంతో దర్శకుడిగా మారిన బిజోయ్ నంబియార్ ఈ చిత్రానికి దర్శకుడు. నీరు, నిప్పు, గాలి, భూమి అనే అంశాల ఆధారంగా అల్లుకొన్న కథ ఇది. ఈ సినిమాకు సంబంధించిన తొలి టాక్ పాజిటివ్గా వినిపించడం విశేషం.
నాలుగు షేడ్స్లో..
శివ భగవానుడు స్ఫూర్తిగా తీసుకొని శేఖర్, త్రిలోక్, శివ, రుద్ర అనే నాలుగు షేడ్స్లో నంబియార్ అలుకున్న కథ సోలో. నాలుగు కథలను చక్కటి స్క్రీన్ప్లేతో సోలోకు తుది రూపం అందించాడు దర్శకుడు.
శేఖర్ కాలేజీలో ఓ దాదా
ఫస్ట్ ఎపిసోడ్లో శేఖర్ ( దుల్కర్ సల్మాన్) ఈ చిత్రంలో కాలేజీలో ఓ దాదా. రాధిక (సాయి ధన్సిక) అనే అమ్మాయి ప్రేమలో పడుతాడు. ఆ తర్వార రాధిక అంధురాలు అని తెలుస్తుంది. వారి మధ్య జరిగిన ప్రేమ వ్యవహారంతో తొలి ఎపిసోడ్ సాగుతుందట. ఈ కథ ప్రకృతిలోని నీటికి సంబంధించింది.
త్రిలోక్ స్టోరి ఈ విధంగా..
ఈ కథలో త్రిలోక్ కథను దర్శకుడు నంబియార్ నడిపించారు. త్రిలోక్ కథను శివుడి ప్రతిరూపంగా మలిచాడు. ఈ ఏపిసోడ్ చాలా వేగంగా, వినోదాత్మకంగా సాగుతుంది. త్రిలోక్ కథ హృదయానికి హత్తుకునేలా ఉంటుంది. ఈ కథ ప్రకృతిలోని గాలికి స్ఫూర్తి.
మూడో ఎపిసోడ్లో రుద్ర పాత్ర
మూడో ఎపిసోడ్లో రుద్ర పాత్ర. ఈ చిత్రంలో చాలా బలహీనమైన ఎపిసోడ్ అని ప్రేక్షకులు, విమర్శకులు సోషల్ మీడియాలో వెల్లడిస్తున్నారు. రుద్ర సైనికుడి కథ. ఇటీవల వచ్చిన మణిరత్నం చిత్రంలోని కార్తీ పాత్రను పోలి ఉంటుంది. రుద్రకు ప్రియురాలిగా నేహా శర్మ నటించారు. ఈ పాత్ర భూమికి ప్రతిరూపం.
చివరి ఎపిసోడ్ శివ
ఈ కథలో చివరి ఎపిసోడ్ శివ. ఈ కథ ఓ గ్యాంగ్స్టర్కు సంబంధించింది. దల్కర్ పాత్ర అప్పుడే పేలడానికి సిద్ధంగా ఉన్న ఓ డైనమేట్లా ఉంటుందట. ఈ కథలో దల్కర్కు మాటలే ఉండవట. మొత్తంగా ఒక్కటంటే ఒక్కటే డైలాగ్ చెప్పడం విశేషం. ఈ పాత్ర నిప్పులా ఉంటుంది. శివ ప్రియురాలిగా శ్రుతి హరిహరన్ నటించింది.
నంబియార్ సక్సెస్
నాలుగు కథలను ఒకే సినిమాగా అందించే ప్రయోగంలో దర్శకుడు నంబియార్ సక్సెస్ అయ్యాడనే మాట వినిపిస్తున్నది. అయితే నాలుగు కథల్లో కొన్నింటిని తెరపైన చెప్పడంలో కొంత తడబాటుకు గురైనట్టు తెలిసింది. ఓవరాల్గా ఈ చిత్రంలో దల్కర్ నటన హైలెట్. ఈ సినిమాలో కొన్ని సన్నివేశాలు మణిరత్నం సినిమాను గుర్తు తెస్తాయని విమర్శకులు వెల్లడిస్తున్నారు.
నటీనటులు వీరే..
సోలో చిత్రంలో దుల్కర్ సల్మాన్, సాయి ధన్పిక, నేహ శర్మ, శృతిహరిహరన్, నాజర్, సుహాసిని మణిరత్నం తదితరులు నటించారు. ఈ ఫస్ట్ టాక్ను ఇంటర్నెట్, సోషల్ మీడియాలో వచ్చిన కథనాల ఆధారంగా అదించడం జరిగింది.