వేలైక్కారన్ సెకండ్ లుక్ పోస్టర్ ఔట్

తమిళ హీరో శివకార్తికేయన్ ప్రస్తుతం 'వేలైక్కారన్' అనే సినిమాలో నటిస్తున్నాడు. ఇప్పటికే విడుదలైన ఫస్ట్ లుక్ పోస్టర్‌కు మంచి స్పందన రాగా... తాజాగా సెకండ్ లుక్ పోస్టర్ విడుదల చేశారు. ఈ చిత్రంలో శివకార్తికేయన్‌తో పాటు మళయాల నటుడు పహాద్ ఫాజిల్ ముఖ్యమైన పాత్ర పోషిస్తున్నాడు.

పహాద్ ఫాజిల్ పుట్టినరోజును పురస్కరించుకుని 'వేలైక్కారన్' సెకండ్ లుక్ పోస్టర్ రిలీజ్ చేశారు. ఈ పోస్టర్ చూస్తుంటే ఈ చిత్రంలో ఇద్దరూ ఒకరితో ఒకరు ఏ మాత్రం తీసిపోకుండా పోటా పోటీగా నటిస్తారని తెలుస్తోంది. ఆగస్టు 14న ఈ చిత్ర టీజర్ విడుదల చేయనున్నారు.

ఈ చిత్రంలో ఇంకా నయనతార, ప్రకాష్ రాజ్, రోహిణి, సతీష్, ఆర్.జె బాలాజీ తదితరులు నటిస్తున్నారు. జయం రాజా ఈ చిత్రానికి దర్శకత్వం వహిస్తున్నారు. రాజా ఇంతకు ముందు తమిళ సూపర్ ఫిల్మ్ 'తాని ఒరువన్' చిత్రాన్నికి దర్శకత్వం వహించారు.

ఎంటర్టెన్మెంటుతో పాటు ఒక సోషల్‌మెసేజ్ జోడించి ఈ సినిమా తెరకెక్కించినట్లు దర్శక నిర్మాతలు తెలిపారు. 'వేలైక్కారన్' మూవీపై తమిళనాడులో అంచనాలు భారీగా ఉన్నాయని, సినిమా సూపర్ హిట్ అవడం ఖాయమని తెలిపారు.