తప్పు చేశాననుకుంటే!..: స్నేహకు డైరెక్టర్ క్షమాపణ.., మోసం చేయలేదని..

స్నేహా ఆరోపణలు:

వేలైక్కారన్ సినిమాలో నటి స్నేహా ఓ కీలక పాత్ర పోషించారు. ఇందుకు గాను 18రోజులు కాల్షీట్స్ ఇచ్చారు. ఇంత చేస్తే.. సినిమాలో నా పాత్ర 15నిమిషాల కన్నా తక్కువ నిడివికే పరిమితమైందని స్నేహా ఆరోపించారు.

క్షమాపణ చెప్పిన మోహన్ రాజా:

స్నేహా ఆరోపణలు తీవ్ర చర్చనీయాంశం కావడంతో దర్శకుడు వివరణ ఇచ్చుకోక తప్పలేదు. ముందుగా స్నేహకు క్షమాపణ చెబుతున్నట్లు ఆయన ప్రకటించారు. సినిమాలో ఆమె సన్నివేశాలను ట్రిమ్ చేయడానికి దారి తీసిన కారణాలను వివరించారు.

అందరం బాధపడ్డామని..:

సినిమాలో స్నేహ సన్నివేశాలు తగ్గించడంపై తనతో పాటు అందరూ బాధపడ్డారని మోహన్ రాజా అన్నారు. అయితే స్నేహతో పాటు మరికొంతమంది నటీనటుల సన్నివేశాలు కూడా తొలగించాల్సి వచ్చిందని చెప్పారు.

మోసం చేయాలనుకోలేదు..:

ఎవరినీ మోసం చేయాలన్న ఉద్దేశంతో సన్నివేశాలు తొలగించలేదని మోహన్ రాజా తెలిపారు. కథ ప్రకారం స్నేహ 90 రోజులు నటించినట్లు సినిమాలో కనిపిస్తుందని, అందుకోసం పలు రకాల కాస్ట్యూమ్స్‌తో సన్నివేశాలు చిత్రీకరించాల్సి వచ్చిందన్నారు.

స్నేహతో ఎక్కువ రోజులు షూట్:

స్నేహ నటించిన సీన్స్ చాలా కీలకం కావడంతో ఎక్కువ రోజులు షూట్ చేయాల్సి వచ్చిందన్నారు. ముఖ్యంగా ఫేషియల్ ఎక్స్‌ప్రెషన్స్ విషయంలో వైవిధ్యం చూపించాల్సి రావడంతో.. ఎక్కువ రోజులు స్నేహతో షూట్ చేయాల్సి వచ్చిందన్నారు.

ఏదేమైనా.. క్షమించండి:

సినిమాలో స్నేహ పాత్ర నిడివి తక్కువగా ఉన్నా, ప్రస్తుతం ఆమె పాత్రకే మంచి స్పందన లభిస్తోందన్నారు మోహన్ రాజా. ఏదేమైనప్పటికీ తాము తప్పు చేసినట్లు స్నేహ భావిస్తే క్షమించమని కోరుతున్నానంటూ మోహన్‌రాజా పేర్కొన్నారు.