ఆడియో పంక్షన్ లో పొరపాటు , బహిరంగ క్షమాపణ చెప్పాడు

చెన్నై: తమిళ సూపర్ స్టార్ విజయ్ చాలా గౌరవంగా మెలుగుతూంటారు. ఏ విషయంలో అయినా చిన్న పొరపాటు జరిగినా వెంటనే క్షమాపణ చెప్పి ఆ పొరపాటుని దిద్దుకునే ప్రయత్నం చేస్తారు. అందనుకే ఆయనంటే అభిమానులకు అంత గౌరవం.

తాజాగా ఆయన ఎవరూ ఊహించని విధంగా బహిరంగంగా క్షమాపణ కోరి అందరి మనస్సులను మరోసారి గెలుచుకున్నారు. రీసెంట్ గా ఆయన తాజా చిత్రం ధేరీ ఆడియో పంక్షన్ జరిగింది. ఈ పంక్షన్ లో ఆయన ఓ సంఘటన గురించి చెప్తూ చైనా కమ్యూనిస్ట్ లీడర్ మావో ని రష్యన్ లీడర్ గా ప్రస్తావించారు.

ధేరీ ట్రైలర్ ఇక్కడ చూడండి

ఈ పొరపాటుని అక్కడి డైలీలు పాయింట్ అవుట్ చేసాయి. ఇది అక్కడ మీడియాలో హైలెట్ అయ్యింది. దాంతో ఈ పొరపాటు..వివాదంగా మారకుండా అవ్వాలని వెంటనే రియాక్ట్ అయ్యాడు. అలాంటి పెద్ద పంక్షన్స్ జరిగినప్పుడు ఇలాంటి చిన్న పొరపాట్లు జరుగుతుంటాయని, పెద్ద మనస్సుతో వాటిని క్షమించెయ్యాలని,తాను ఉదహరించన సంఘటనలోని అర్దాన్ని మాత్రమే తీసుకోవాలని అని ఆయన అన్నారు. అదీ సంగతి .

తమిళ సూపర్ స్టార్ విజయ్-సమంత జంటగా "రాజా రాణి" ఫేం అట్లీ దర్శకత్వంలో తెరకెక్కుతున్న "తేరీ " ఆడియో మార్చి 20న విడుదల అయ్యింది.ఈ సినిమాను ఏప్రిల్ 14న విడుదల చేసేందుకు దర్శకనిర్మాతలు సన్నాహాలు చేసుకొంటున్నారు.

విజయ్ పోలీస్ ఆఫీసర్ గానే కాకుండా మరో రెండు ముఖ్యపాత్రల్లో త్రిపాత్రాభినయం చేస్తున్న ఈ చిత్రం ఫుల్ లెంగ్త్ మాస్ ఎంటర్ టైనర్ గా తెరకెక్కుతోంది. విజయ్ మునుపటి చిత్రం "పులి " దారుణంగా విఫలమై ఉండడంతో.. ఆయన అభిమానులు "తేరీ "పై చాలా ఆశలు పెట్టుకొన్నారు!

విజయ్‌ సరసన సమంత, అమీ జాక్సన్‌లు ఆడిపాడనున్నారు. వి క్రియేషన్స్‌ బ్యానర్‌పై కలైపులి ఎస్‌.థాను ఈ చిత్రాన్ని నిర్మిస్తుండగా, జీవీ ప్రకాశ్‌కుమార్‌ స్వరాలు సమకూర్చారు.