Don't Miss!
- News ఎన్నికల ప్రచారానికి నేటితో తెర: ఈ రాష్ట్రాల్లో ఎల్లుండి పోలింగ్
- Sports ఆ రూల్ వల్లే గెలిచాం- KL రాహుల్
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
నిర్మాతలను అంత భయపెట్టాడా ఏకంగా నిషేధం పెట్టారు, అసలేం జరిగింది?
చెన్నై: ఇంటర్వూ ఇస్తే నిషేధం పెడతారా... ఇప్పుడు తమిళ సినీ సర్కిల్స్ లో ఇదే హాట్ టాపిక్. విశాల్ ఈ ఏడాది ఆగస్టులో ఓ తమిళ మ్యాగజైన్కు ఇచ్చిన ఇంటర్వూ తమిళ నిర్మాతల మండలి(టీఎఫ్ పీసీ) కి షాక్ ఇచ్చింది. దాంతో .. విశాల్ .. ఫిల్మ్ ఫ్యాక్టరీ(వీఎఫ్ఎఫ్) సభ్యత్వాన్ని తాత్కాలికంగా రద్దు చేస్తున్నట్లు సోమవారం ప్రకటిస్తూ విశాల్ షాక్ ఇచ్చే ప్రయత్నం చేసింది. అయితే ఈ కుర్రాడు లైట్ తీసుకున్నాడు లెండి.
Well got da news dat am suspended fm prod council as a member.😂😂😂😂 happy children's day.wil continue 2 fite 4 the prod n da industry.GB
— Vishal (@VishalKOfficial) November 14, 2016
'నేను ప్రొడక్షన్ కౌన్సిల్ నుంచి సస్పెండ్ అయిన వార్త ఇప్పుడే తెలిసింది. నవ్వుతూ.. హ్యాపీ చిల్డ్రన్స్ డే(పెద్దగా నవ్వుతూ). ఇండస్ట్రీ కోసం ఫైట్ చేయడాన్ని కొనసాగిద్దాం. గుడ్ బై' అని విశాల్ ట్వీట్ చేశారు.
అసలేం జరిగింది?
ఆగస్ట్ 17వ తేదీన ఒక తమిళ పత్రికకు ఇచ్చిన ఇంటర్వ్యూలో తమిళ నిర్మాతల మండలి కార్యవర్గ చర్యలపై ఆరోపణలు చేసినట్లు కథనాలు వెలువడి పెద్ద చర్చకే దారి తీశాయి. అంతే కాదు తమిళ నిర్మాత మండలి కార్యవర్గంలోనూ కలవరాన్ని రేకెత్తించాయి. విశాల్ వ్యాఖ్యలను తీవ్రంగా పరిగణించిన నిర్మాతల మండలి ఆయనపై చర్యలకు సిద్ధమైంది.
కాగా ఈ నెల 12వ తేదీన నిర్వహించిన కార్యవర్గ సమావేశంలో విశాల్ చేసిన ఆరోపణలపై చర్చించిన నిర్మాతల మండలి ఆయనపై చర్యలు తీసుకోవాలన్న నిర్ణయానికి వచ్చారు.
ఈ నేపథ్యంలో సోమవారం నిర్మాతల మండలి ఒక ప్రకటనను విడుదల చేసింది. అందులో.. విశాల్ ఆరోపణలు సంఘం నియమ నిబంధనలను, సంఘటితను దెబ్బ తీసే విధంగా ఉన్నాయని, ఈ ఆరోపణలపై వివరణ కోరుతూ విశాల్కు సెప్టెంబర్ 2న లేఖ పంపినట్టు తెలిపారు. అందుకు ఆయన ఇచ్చిన వివరణ సంతృప్తినివ్వకపోవడంతో విశాల్ను మండలి సభ్యుత్వం నుంచి తాత్కాలికంగా తొలగిస్తున్నట్లు వెల్లడించారు.
ఇది తమిళ చిత్ర పరిశ్రమలో పెద్ద కలకలానికే దారి తీస్తోంది. నడిగర్ సంఘం కార్యదర్శిగా బాధ్యతలను నిర్వహిస్తున్న విశాల్ త్వరలో జరగనున్న తమిళ నిర్మాతల మండలి ఎన్నికల్లోనూ కార్యదర్శి పదవికి పోటీ చేయడానికి సిద్ధమవుతున్నట్లు ఇప్పటికే ప్రచారం జరుగుతున్న నేపథ్యంలో ఆయన సభ్యత్వాన్ని రద్దు చేయడం చర్చనీయాంశంగా మారింది.