శివకార్తికేయన్, నయనతార ‘వేలైక్కారన్’ మోషన్ పోస్టర్ అదుర్స్

తమిళ స్టార్ శివకార్తికేయన్ కథానాయకుడిగా తెరకెక్కుతున్న చిత్రం 'వేలైక్కారన్'. తాజాగా ఈ చిత్రానికి సంబంధించిన మోషన్ పోస్టర్ విడుదలైంది. ఈ పోస్టర్ ద్వారా సినిమాలోని మెయిన్ క్యారెక్టర్లను పరిచయం చేశారు.

శివకార్తికేయన్, నయనతార, పహాద్ ఫాజిల్, స్నేహ, ప్రకాష్ రాజ్, ఆర్.జె బాలాజీ, సతీష్, వినోదిని వైద్యనాథన్, రోబో శంకర్, చార్లీ తదితరులు ఈ చిత్రంలో ముఖ్యపాత్రలు పోషిస్తున్నారు. మోషన్ పోస్టర్ డిజైన్ చేసిన తీరు ఆకట్టుకుంది. సినిమాపై అంచనాలు మరింత పెంచింది.

ఈ చిత్రానికి మోహన్ రాజా దర్శకత్వం వహిస్తున్నారు. ఆహారం కల్తీపై ఇద్దరు యంగస్టర్లు చేసే పోరాటం నేపథ్యంలో ఈ చిత్రం తెరకెక్కుతోంది. ఈ చిత్రాన్ని డిసెంబర్ 22న తమిళంలో విడుదల చేందుకు ప్లాన్ చేస్తున్నారు.

శివకార్తికేయన్ నటించిన చివరి చిత్రం 'రెమో' తమిళంతో పాటు తెలుగులో కూడా విడుదలైంది. 'వేలైక్కారన్' కూడా తెలుగులో విడుదల చేసే అవకాశం ఉంది.