హైపర్ ఆదితో అనసూయ గొడవ.. నా నడుము చూశావంటూ రచ్చ రచ్చ

జబర్దస్త్ జోడీ.. పొట్టచెక్కలయ్యే వినోదం

జబర్దస్త్ షో పరంగా కొన్ని జోడీలకు ప్రత్యేక గుర్తింపు ఉంది. అందులో ఒక జోడీ రష్మీ గౌతమ్- సుధీర్ కాగా మరో జోడీ అనసూయ- హైపర్ ఆది. జబర్దస్త్ వేదికపై ఈ జంటల హంగామా మామూలుగా ఉండదు. ఒకరిపై ఒకరు పంచుకోలేసుకుంటూ ప్రేక్షకులకు పొట్టచెక్కలయ్యే వినోదం పంచుతారు.

అనసూయ- హైపర్ ఆది కెమిస్ట్రీ

జబర్దస్త్ జోడీల్లో భారీ ఫాలోయింగ్, పాపులారిటీ సంపాదించింది అనసూయ- హైపర్ ఆది. యాంకర్ స్థానంలో అనసూయ కూర్చుందంటే చాలు.. ఇక హైపర్ ఆది ఆమె పంచులు మీద పంచులేస్తుంటాడు. అలాగే అనసూయ అందాన్ని తెగ పొగిడేస్తూ రక్తి కట్టిస్తుంటాడు. అందుకే అనసూయ- హైపర్ ఆది జంటను కూడా మరోలా ఊహించుకుంటూ ఉంటారు ఆడియన్స్.

బుల్లితెరపై రొమాన్స్..

ఈ మధ్యకాలంలో హైపర్ ఆది స్కిట్లలో కచ్చితంగా అనసూయకు ఓ పాత్ర ఇస్తుండటం చూస్తున్నాం. బుల్లితెరపై రొమాన్స్ పండించాలని ట్రై చేస్తూ ఈ జంట సక్సెస్ అవుతున్నారు. ఈ నేపథ్యంలో గురువారం జరిగిన ఎపిసోడ్‌లో ఖుషీ సినిమాలో పవన్ కల్యాణ్, భూమిక మధ్య పండిన రొమాన్స్ ఎపిసోడ్ చేసి వావ్ అనిపించారు ఈ ఇద్దరూ.

అనసూయ నడుముపై కన్నేసిన హైపర్ ఆది

ఖుషి సినిమాలో బాగా హైలైట్ అయిన నడుము సన్నివేశాన్ని హైపర్ ఆది చేశాడు. అందులో భాగంగా అనసూయ నడుముపై కన్నేసిన హైపర్ ఆది నానా రచ్చ చేశాడు. ఈ సన్నివేశంతో పాటు ఆది స్కిట్ అంతా పంచ్‌లు, ప్రాసలతో కడుపుబ్బా నవ్వించింది.

నా నడుము చూశావంటూ అనసూయ రచ్చ

ఇక ఆ స్కిట్ లో అనసూయ రచ్చ మామూలుగా లేదు. నా నడుము చూశావంటూ హైపర్ ఆదితో గొడవకు దిగింది అనసూయ. ఇదంతా చూస్తూ షోకు జడ్జిలుగా వ్యవహరించిన హీరో రాజ్‌తరుణ్, డైరెక్టర్ తరుణ్ భాస్కర్, రోజా నవ్వు ఆపుకోలేక పోయారు. మొత్తానికి అనసూయ- హైపర్ ఆది చేసిన ఈ రొమాంటిక్ స్కిట్ అదిరింది.