Bigg Boss Non Stop: యాంకర్ రవికి బిగ్ బాస్ బంపర్ ఆఫర్.. ముమైత్ వెళ్లిన వెంటనే బిగ్ సర్‌ప్రైజ్

టైటిల్ ఫేవరెట్‌గా వచ్చాడు

గత ఏడాది ముగిసిన ఐదో సీజన్‌లో ఏకంగా 19 మంది కంటెస్టెంట్లుగా ఎంట్రీ ఇచ్చారు. వీళ్లంతా తమ తమ విభాగాల్లో పాపులర్ అయ్యారు. అందులో పలువురు మాత్రమే టైటిల్ ఫేవరెట్‌గా బరిలోకి దిగారు. అందులో యాంకర్ రవి ఒకడు. బుల్లితెరపై భారీ ఫాలోయింగ్ ఉన్న యాంకర్ కావడంతో.. అతడికే ఎక్కువ హైప్ లభించింది. దీంతో అందరి దృష్టినీ ఆకట్టుకున్నాడు.

ఊహించని విధంగా అవుట్

బిగ్ బాస్ హౌస్‌లో ఉన్నప్పుడు రవికి అందరితో అనుబంధం ఏర్పడింది. కానీ, ఎందుకనో అతడు ప్రభావితం చేస్తుంటాడని, గుంటనక్క అని, గొడవలు పెడుతుంటాడని.. ఇలా రకరకాల అభిప్రాయాలు వ్యక్తమయ్యాయి. దీంతో అతడిపై విమర్శలు ఎక్కువైపోయాయి.టైటిల్ ఫేవరెట్‌గా షోలోకి వెళ్లిన యాంకర్ రవి.. ఊహించని విధంగా 12వ వారం ఎలిమినేట్ అయ్యాడు.

బిజీగా మారిన యాంకర్ రవి

బిగ్ బాస్ షో నుంచి ఎలిమినేట్ అయిన తర్వాత యాంకర్ రవి చాలా రోజుల పాటు తన కుటుంబంతోనే సమయాన్ని గడిపాడు. ఈ క్రమంలోనే మాల్దీవులు ట్రిప్ కూడా వెళ్లాడు. అనంతరం కొద్ది రోజుల గ్యాప్ తర్వాత మళ్లీ బుల్లితెరపైకి ఎంట్రీ ఇచ్చాడు. ఈ క్రమంలోనే ‘హ్యాపీ డేస్' షోతో పాటు కొన్ని ఈవెంట్లు కూడా చేస్తున్నాడు. ఇలా తన వర్క్‌తో మళ్లీ ఫుల్ బిజీగా అయిపోయాడు.

ఓటీటీ సీజన్‌లో ఛాన్స్ అని

ఓటీటీ వెర్షన్ ‘బిగ్ బాస్ నాన్ స్టాప్' మొదటి సీజన్‌ ఇటీవలే ప్రారంభం అయిన విషయం తెలిసిందే. ఇందులోకి పాత కంటెస్టెంట్లు కూడా ఎంట్రీ ఇస్తున్నారని ముందు నుంచే ఓ న్యూస్ ప్రచారం అయింది. అంతేకాదు, ఇందులోకి యాంకర్ రవి కూడా ఎంట్రీ ఇస్తున్నాడని వార్తలు వచ్చాయి. దీంతో అతడి ఫ్యాన్స్ ఖుషీ అయ్యారు. కానీ, అతడు మాత్రం షోలోకి ఎంటరవలేదు.

రవికి బిగ్ బాస్ బంపర్ ఆఫర్

బిగ్ బాస్ ఐదో సీజన్‌లోకి కంటెస్టెంట్‌గా ఎంట్రీ ఇచ్చిన రవి.. అనూహ్యంగా ఎలిమినేట్ అవడం చాలా రకాల చర్చలకు దారి తీసింది. ఈ నేపథ్యంలో బిగ్ బాస్ ఓటీటీ సీజన్‌లోకి అతడికి ఛాన్స్ కూడా దక్కలేదు. ఈ నేపథ్యంలో వైల్డ్ కార్డ్ ద్వారా అతడు షోలోకి వచ్చే అవకాశం ఉందన్న టాక్ కూడా వినిపించింది. ఇలాంటి పరిస్థితుల్లో బిగ్ బాస్ మరో బంపర్ ఆఫర్ ఇచ్చాడని తెలిసింది.

బిగ్ బాస్ బజ్ హోస్టుగా రవి

ముందు నుంచీ ప్రచారం జరుగుతోన్న దాని ప్రకారమే యాంకర్ రవికి బిగ్ బాస్ మరో భారీ ఆఫర్ ఇచ్చాడు. అది షోలోకి కంటెస్టెంట్‌గా ఎంట్రీ ఇవ్వడం కాదు.. దీని నుంచి ఎలిమినేట్ అయిన వాళ్లతో చిట్ చాట్ చేసే ‘బిగ్ బాస్ బజ్' షోకు హోస్టుగా అవకాశం కల్పించారు. గతంతో దీన్ని తనీష్, రాహుల్ సిప్లీగంజ్, ఆరియానా గ్లోరి వంటి వాళ్లు హోస్ట్ చేసిన విషయం తెలిసిందే.

Recommended Video

Bigg Boss Telugu Non Stop: Contestants బోల్డ్ స్టేట్మెంట్స్ Trolls | Filmibeat Telugu

ముమైత్ వెళ్లిన వెంటనే లీక్

బిగ్ బాస్ నాన్ స్టాప్ మొదటి సీజన్ తొలి వారంలో వారియర్స్ టీమ్‌ సభ్యురాలు ముమైత్ ఖాన్ షో నుంచి ఎలిమినేట్ అయిన విషయం తెలిసిందే. ఆమె ఎలిమినేషన్ రివీల్ అయిన వెంటనే డిస్నీ ప్లస్ హాట్‌స్టార్‌లో ‘బిగ్ బాస్ బజ్' ఎపిసోడ్‌ను కూడా అప్‌లోడ్ చేశారు. ఇందులో హోస్టుగా యాంకర్ రవిని పరిచయం చేశారు. తద్వారా అందరికీ బిగ్ బాస్ సర్‌ప్రైజ్ ఇచ్చాడు.