అభిజిత్‌ను దారుణంగా అవమానించిన సోహెల్ టీం.. ఫినాలే రోజు వివాదం సృష్టిస్తోన్న పోస్ట్

బిగ్ బాస్‌కు సోషల్ మీడియాకు సంబంధం..

బిగ్ బాస్ షోకు సోషల్ మీడియాకు విడదీయలేని బంధం ఉంటుంది. బిగ్ బాస్ సీజన్ నడిచినంత కాలం సోషల్ మీడియాలో మంచి టాపిక్‌లు నడుస్తుంటాయి. కంటెస్టెంట్లకు సపోర్ట్‌గా, వ్యతిరేకంగా ఇలా ప్రచారాలు జరుగుతుంటాయి. ఒకరిపై ఒకరు ఆరోపణలు, ట్రోల్స్, మీమ్స్ ఇలా రకరకాలుగా ఎంటర్టైన్మెంట్ లభిస్తుంటుంది.

టాప్ 5 పోరు..

టాప్ 5 కంటెస్టెంట్లుగా అభిజిత్ సోహెల్ అరియానా అఖిల్ హారికలు ఉన్నారు. కానీ ప్రధానమైన పోటి మాత్రం సోహెల్ అభిజిత్ మధ్యే జరిగింది. కాకపోతే మధ్యలో అరియానాకు కూడా ఓట్లు భారీగా పడుతున్నాయంటూ ప్రచారం ఊపందుకుంది. కానీ అది తప్పని అందరికీ తెలిసిపోయింది. ఎందుకంటే అరియానా నాల్గో స్థానంలోనే వెనక్కి మళ్లిందని లీకులు అందుతున్నాయి.

అభిజిత్ సోహెల్ వార్..

మొదటి నుంచి కూడా అభిజిత్ సోహెల్ మధ్య కోల్డ్ వార్ నడుస్తూనే ఉంటుంది. ఆ ఇద్దరూ ఒక్కోసారి బాగానే ఉన్నట్టు కనిపిస్తుంది. మళ్లీ ఏదో గొడవలున్నట్టే కనిపిస్తుంది. సోహెల్ కూడా ప్రతీసారి మాస్ క్లాస్ అంటూ తేడాలు చూపిస్తుంటాడు. అయితే బయట వారి టీంలు కూడా అలాగే ఉన్నట్టు కనిపిస్తున్నాయి. ఎందుకంటే వారి అధికారిక ఖాతాల్లో ఇతర కంటెస్టెంట్లను ట్రోలింగ్ చేయరు. కానీ ఫినాలే ఎపిసోడ్ ఉండగా ఓ కొత్త వివాదాం తెరమీదకు వచ్చింది.

అభిజిత్‌పై నెగెటివ్ కామెంట్స్..

సోహెల్ అధికారిక ఖాతాలో ఓ మీమ్‌ను షేర్ చేశారు. అందులో అభిజిత్‌ను దారుణంగా కామెంట్ చేశారు. అదే సమయంలో సోహెల్‌కు బాగా ఎలివేషన్ ఇచ్చారు. హోటల్ టాస్క్‌లో అభిజిత్ హారికకు మసాజ్ చేయడాన్ని పులిహోర అని, అదే టాస్కులో సోహెల్ తన కాళ్లను దివి చేత పట్టిస్తూ మసాజ్ చేయించుకోవడాన్ని పులి అంటూ మీమ్ క్రియేట్ చేశారు. ఆ మీమ్‌ను సోహెల్ అఫీషియల్ ఖాతాలో షేర్ చేశారు.

మొదలైన వివాదం..

అలాంటి ట్రోలింగ్‌లు సోషల్ మీడియాలో సహజమే అయినా.. ఇలా అధికారిక ఖాతాలో కూడా వేరే కంటెస్టెంట్‌ను డీగ్రేడ్ చేసి చూపించడం, కించపరచడం మంచిది కాదంటూ సోహెల్ టీం మీద విరుచుకుపడుతున్నారు. ఇలా ఫినాలే రోజు చేయడం మరీ దారుణం అంటూ సోహెల్ టీంను నెటిజన్లు ఏకిపారేస్తున్నారు. మరి ఇంతకి అది నిజంగానే సోహెల్ టీం షేర్ చేసిందా? లేదా? అని ఇంకొందరు కామెంట్లు చేస్తున్నారు. ఈ వివాదంపై సోహెల్ టీం స్పందిస్తుందా లేదా? అన్నది చూడాలి.