సోహెల్ పీఆర్ టీంను పెట్టుకుంటే కథ వేరేలా ఉండేది..అభిజిత్‌పై అలీ రెజా కామెంట్స్

ఆట చూసి సపోర్ట్..

సోహెల్ నాకు ఎనిమిదేళ్లుగా తెలుసు. అతను నాకు సోదరుడి వంటి వాడు. అయితే అతన్ని సపోర్ట్ చేయడానికి మాత్రం కారణం అది కాదు. బిగ్ బాస్ షోలోకి వెళ్లేముందు అతను నన్ను మద్దతు అడిగాడు. నీదు నువ్ నిరూపించుకుంటేనే సపోర్ట్ చేస్తానని చెప్పాను. అందుకు రెండు మూడు వారాల తరువాత సోహెల్ ఆట చూసి సపోర్ట్ చేయడం ప్రారంభించాను అని అలీ రెజా చెప్పుకొచ్చాడు.

మతపరంగా కాదు..

మతపరంగా నేను సోహెల్‌ను ఎప్పుడూ మద్దతు తెలపలేదు.. అతడినే కాదు నేను ఎవరినీ కూడా మతపరంగా పక్షపాతం చూపించను.. పదేళ్ల క్రితం సోహెల్ ఎలా ఉన్నాడో ఇప్పుడు అలాగే ఉన్నాడు. అతను ఎంతో ప్యూర్, జెన్యూన్, చిన్న పిల్లాడి మనస్తత్వం.. అవి చూసే మూడో వారం నుంచి సపోర్ట్ చేయడం ప్రారంభించాను అని అలీ రెజా పేర్కొన్నాడు.

నీలా నువ్ ఉండు..

ట్రోఫీ గెలవడం కంటే మన ఇంపాక్ట్ చూపించడం బెటర్ అని సలహా ఇచ్చాను. షో గురించి ఎలాంటి ప్రిపరేషన్స్ అవసరం లేదు.. పరిస్థితులకు తగ్గట్టు ఎలా రియాక్ట్ అవ్వాలే నేర్చుకో అని చెప్పాను. ఎందుకంటే నాకు ఎదురైన పరిస్థితులే అతనికి ఎదురుకాకపోవచ్చు కదా. అందుకే నీలా నువ్ ఉండు అని చెప్పాను. అలాగే ఉన్నాడు.. ప్రజల అభిమానాన్ని సంపాదించాడంటూ సోహెల్‌కు అలీ రెజా ఇచ్చిన సలహాల గురించి చెప్పాడు.

పీఆర్ టీం పెట్టుకుంటే..

లేడీ బిగ్ బాస్ విన్నర్ అవ్వలేరు.. దానికి జీరో చాన్స్ ఉంది. సోషల్ మీడియాను పరిగణలోకి తీసుకుంటే అభిజిత్ సోహెల్ మధ్య చాలా టఫ్ పోటీ ఉంది.. ఒకవేళ సోహెల్ కూడా ముందు నుంచి పీఆర్ టీంను పెట్టుకుని ఉంటే.. కథ వేరేలా ఉండేది. కానీ సోహెల్ ఫ్యామిలీ పీఆర్ పెట్టుకునే స్థోమత లేదు.. కానీ ఇప్పటికీ సోహెల్ గెలిచే అవకాశాలున్నాయి.. అభిజిత్ కంటే ఎక్కువగా అతను అతనిలా ఉంటూనే షో మొత్తాన్ని ముందుకు నడిపించాడంటూ సోహెల్ గురించి అలీ రెజా చెప్పుకొచ్చాడు.