Bigg Boss Non Stop: చైతూ చెత్త స్ట్రాటజీ.. పిలక లేదంటూ టాస్క్ లో లొల్లి.. మాస్టర్ ఏడుపులు!

ముందు స్నేహాన్ని పెంచి..

బిగ్ బాస్ నాన్ స్టాప్ షో మొదలైనప్పుడు కాస్త నీరసంగానే స్టార్ట్ అయ్యింది. ఇక బిగ్ బాస్ కూడా టాస్క్ ల విషయంలో ఇంకా అనుకున్నంతగా డోస్ అయితే పెంచలేదు. వీలైనంత వరకు కంటెస్టెంట్స్ మధ్యలో స్నేహాన్ని పెంచి ఆ తరువాత గొడవలు క్రియేట్ చేయాలని చూస్తున్నట్లు అర్ధమవుతోంది. ఇక ప్రస్తుతం కొనసాగుతున్న టాస్క్ లు కూడా అదే రూట్లో వెలుతున్నాయి.

నటరాజ్ ఓవరాక్టింగ్

ఇక నటరాజ్ మాస్టర్ మరోసారి నలుగురిలో తన వీక్ నెస్ పాయింట్ తో నవ్వులపాలవుతున్నారు. గతంలో బిగ్ బాస్ కూడా ఆయన రొటీన్ గానే ఫ్యామిలీ విషయాలను చెప్పుకుంటూ ఎమోషనల్ అయ్యారు. ఇక ఇప్పుడు మరోసారి తన పాపను గుర్తు చేసుకుంటూ ఎమోషనల్ గా లో ఏడుస్తూ కనిపిస్తున్నాడు. ఒక విధంగా మిగతా వారికి అది ఓవర్ యాక్టింగ్ లా అనిపిస్తున్నట్లు అర్ధమయ్యింది.

అజయ్ సెటైర్..

ప్రతీసారి నటరాజ్ మాస్టర్ తన పాపను వదిలేసి వచ్చినట్లు చెప్పగా.. ఇక్కడ ప్రతీ ఒక్కరు కూడా వారి ఫ్యామిలిస్ ను వదిలేసి వచ్చినవారే అని శ్రవంతి మిగతా వారికి చెప్పుకుంది. ఇక నటరాజ్ ఒకవైపు ఏడుస్తుంటే ఆ ఆట నేర్చుకోవాలి.. చాలా ఈజీగా ఏడవడం నేర్చుకోవాలని అజయ్ సెటైర్ వేశాడు. ఇక యాంకర్ శివ అయితే ఆయనను చూస్తే తనకు జాలేస్తోందని అన్నాడు.

మూడవ డేర్ లో..

ఇక బిగ్ బాస్ ఇచ్చిన మూడవ డేర్ లో ఛాలెంజర్లు 15 నిమిషాల్లో కొబ్బరి కాయలు పీచును తియ్యాల్సి ఉంటుంది. ఇక మొదట ఆ టాస్క్ ఫినిష్ చేసేందుకు వచ్చిన మహేష్ విట్టా బాగానే ట్రై చేశాడు. ఇక అతన్ని టీమ్ మెంబర్లు కూడా బాగానే ఉత్తేజపరిచారు.

చైతు పిలక లాజిక్

కానీ సంచాలకుడిగా ఉన్న వారియర్ టీమ్ లోని RJ చైతు మాత్రం ఒక చెత్త లాజిక్ తో స్ట్రాటజీ స్టార్ట్ చేసినట్లు అర్ధమయ్యింది. ఒక కొబ్బరి కాయకు పిలక ఉంచకుండా మొత్తం తీసేయ్యడం ఎక్కడా ఉండదని లాజిక్ తో పాయింట్ మైనస్ చేసే ప్రయత్నం చేయగా దాని కోసం ఛాలెంజర్లు బాగానే గొడపడ్డారు. ఇక అది గుడిలో మాత్రమే అని ఇక్కడ బిగ్ బాస్ పీచు మాత్రమే తీయాలని అన్నట్లుగా నటరాజ్ మాస్టర్ అఖిల్ కూడా మరో లాజిక్ మాట్లాడారు.

సంచాలకుడిదే తుది నిర్ణయం..

ఇక మహేష్ టీమ్ మెంబర్స్ ఎంత చెబుతున్నా కూడా చైతు పట్టించుకోలేదు. సంచాలకుడిదే తుది నిర్ణయం అంటూ తనకు పిలక ఉండాల్సిందే అని అన్నాడు. ఇక ఆ తరువాత టీమ్ మెంబర్స్ అందరూ కూడా ఇది కావాలని చేసిన ఫ్రాడ్ గేమ్ అని మాట్లాడుకున్నారు. అనంతరం అఖిల్ ముమైత్ ఖాన్ కూడా చైతూతో మాట్లాడే ప్రయత్నం చేశారు. ఇక చివరికి అఖిల్ చిరాకుతో పక్కకు వెళ్లిపోవడంతో చైతూ నాట్ ఫెయిర్ అంటూ కౌంటర్ కూడా ఇచ్చాడు. చూస్తుంటే మళ్ళీ హౌజ్ లో వాతావరణం వేడెక్కినట్లు తెలుస్తోంది. మరి ఈ డేర్ ఛాలెంజ్ లో బిగ్ బాస్ ఎలాంటి తీర్పును ఇస్తాడో చూడాలి.