బాగ్ బాస్ 2: ఇంట్లోకి ఎంటరైన కొత్త బ్యూటీ... ఆమె అందానికి అందరూ ఫిదా!

ఇంట్లోకి ఎంటరైన నందినీ రాయ్

సోమవారం ఉదయం నందినీ రాయ్ బిగ్ బాస్ ఇంట్లోకి ఎంటరైంది. నందినీ రాయ్ ఇంట్లోకి ఎంట్రీ ఇవ్వగానే ఇంటి సభ్యులంతా ఆశ్చర్యపోయారు. అందరూ కలిసి వెళ్లి ఆమెను ఇంట్లోకి సాదరంగా ఆహ్వానించారు.

నందినీ రాయ్ అందానికి ఫిదా

నందినీ రాయ్ అందం చూసి ఇంటి సభ్యులు ఫిదా అయిపోయారు. ఇక బిగ్ బాస్ ఇంట్లోని మేల్ కంటెస్టెంట్స్ నందినీ రాయ్ అందం చూసి ఫిదా అయిపోయారు. ఆమె రాకతో వారిలో మరింత ఉత్సాహం నెలకొంది.

గ్లామర్ అద్దేందుకేనా?

మొదటి సీజన్లో బిగ్ బాస్ షోకు గ్లామర్ అద్దేందుకు దీక్షా పంత్‌ను వైల్డ్ కార్డ్ ఎంట్రీ ద్వారా ప్రవేశ పెట్టిన సంగతి తెలిసిందే. ఆ తరహాలోనే ఈ రెండో సీజన్లో షోను మరింత గ్లామరస్‌గా మార్చేందుకు నందినీ రాయ్‌ను ప్రవేశ పెట్టినట్లు తెలుస్తోంది.

ఎవరీ నందినీ రాయ్?

నందినీ రాయ్ హైదరాబాద్‌లో పుట్టి పెరిగిన అమ్మాయి. సెయింట్ ఆల్బన్స్ హై స్కూల్‌లో చదువుకుంది. లండన్ వెళ్లి ఉన్నత చదువులు చదువుకుంది. ఫైనాన్స్‌లో ఎంబీఏ పూర్తి చేసింది. తర్వాత మోడలింగ్ రంగంలోకి అడుగు పెట్టింది. పలు బ్యూటీ కాంటెస్టుల్లో పాల్గొని 2008లో మిస్ హైదరాబాద్, 2010లో మిస్ ఆంధ్రప్రదేశ్, 2009లో మిస్ పాంటలూన్స్ ఫ్రెష్ ఫేస్ ఆఫ్ ఏపి, 2010లో మిస్ బ్యూటిఫుల్ ఐస్ ఆఫ్ ఏపి టైటిల్స్ దక్కించుకుంది.

సినిమాల్లోకి...

2011లో ఫ్యామిలీ ప్యాక్ అనే హిందీ సినిమా ద్వారా నందినీ రాయ్ తన సినిమా కెరీర్ మొదలు పెట్టింది. ఆ తర్వాత 040 అనే మూవీ ద్వారా తెలుగు ఇండస్ట్రీలోకి ఎంటరైంది. ఆ తర్వాత హార్మోన్స్, మాయా, మోసగాళ్లకు మోసగాడు లాంటి తెలుగు చిత్రాలతో పాటు తమిళ, కన్నడ చిత్రాల్లో నటించింది.

యాక్సిడెంట్ కారణంగా వారం లేటుగా నందినీ రాయ్

వాస్తవానికి నందినీ రాయ్ బిగ్ బాస్ మొదటి రోజే ఇంట్లోకి ఎంటరవ్వాల్సి ఉండగా గాయం కారణం రాలేక పోయింది. దీంతో ఆమె స్థానంలో సంజన బిగ్ బాస్ ఇంట్లోకి వచ్చింది. అయితే సంజన ప్రేక్షకులు ఆదరణ దక్కించుకోలేక పోవడంతో ఎలిమినేట్ అయింది. దీంతో వైల్డ్ కార్డ్ ఎంట్రీ ద్వారా నందినీ రాయ్‌కు బిగ్ బాస్ షోలో మళ్లీ అవకాశం కల్పించారు.