Bigg Boss Grand Finale: బిగ్‌బాస్ వేదికపై సాయి పల్లవి.. షాకింగ్‌గా అరియానా గ్లోరికి ఓట్లు!

టిక్‌టాక్ స్టార్లు,కోరియోగ్రాఫర్లతో

ఎలిమినేషన్ ప్రక్రియ కొనసాగుతున్న సమయంలో మధ్యలో వినోదం కోసం పలువురితో వినోద కార్యక్రమాలను షూట్ చేస్తున్నారు. టిక్ టాక్ స్టార్స్, సినీ ప్రముఖులు, కొరియోగ్రాఫర్లు తమ డ్యాన్స్ పెర్ఫార్మెన్స్‌తో ఆదరగొట్టినట్టు సమాచారం.

మధ్యాహ్నం తర్వాత కీలక సన్నివేశాలు

శనివారం మధ్యాహ్నం వరకు కొంత షూటింగ్ ముగిసిందని, లంచ్ బ్రేక్ కారణంతో షూటింగ్ ఆగిపోయిందనే విషయం బయటకు వచ్చింది. మధ్యాహ్నం తర్వాత మళ్లీ ఫైనల్ రౌండ్ ఆఫ్ షూటింగ్ కొనసాగుతుందనేది సమాచారం. మధ్యాహ్నం తర్వాత ఫైనల్‌కు సంబంధించిన కీలక సన్నివేశాలను షూట్ చేస్తున్నట్టు సమాచారం.

బిగ్‌బాస్ వేదికపై సాయిపల్లవి

ఇక బిగ్ బాస్ గ్రాండ్ ఫినాలేలో సినిమా ప్రమోషన్ కోసం శేఖర్ కమ్ముల టీమ్ సందడి చేయనున్నారు. అక్కినేని నాగచైతన్య, సాయిపల్లవి జంటగా నటిస్తున్న లవ్ స్టోరి చిత్రానికి శేఖర్ కమ్ముల దర్శకత్వం వహిస్తున్న సంగతి తెలిసిందే. ఈ ప్రమోషన్ కోసం చిత్ర యూనిట్ వేదిక మీద హంగామా చేసే అవకాశం ఉంది. అయితే సాయి పల్లవి కూడా బిగ్‌బాస్ వేదిక మీద మెరిసే ఛాన్స్ కనిపిస్తున్నది.

రన్నరప్‌గా అరియానా గ్లోరి

ఇక ఇదిలా ఉండగా.. ఫైనల్ డే ఓటింగ్ తర్వాత ఓట్ల శాతంలో భారీ తేడా వచ్చిందనేది తాజా సమాచారం. ఫైనల్ ఓటింగ్ కౌంట్ తర్వాత అరియానా రెండోస్థానంలో ఉన్నట్టు వార్తలు వచ్చాయి. అయితే అరియానా అందరి అంచనాలు తలకిందులు చేస్తూ నాలుగో స్థానంలో నిలిచిందనే సోషల్ మీడియా వార్తలతో అభిమానులు నిరాశ చెందుతున్నారు.