అఖిల్‌కు ఏమైంది.. అలా బిహేవ్ చేస్తున్నాడేంటి.. హారికతో మోనాల్ గజ్జర్ ఆవేదన

అఖిల్ తీరుతో మోనాల్ మనస్తాపం

నామినేషన్ ప్రక్రియ సందర్భంగా తనతో అఖిల్ ప్రవర్తించిన తీరుతో మోనాల్ మనస్తాపానికి గురైంది. తనను అపార్ధం చేసుకొంటూ చేసిన వ్యాఖ్యలతో మోనాల్ హర్ట్ కావడం తెలిసిందే. కెప్టెన్సీ టాస్క్‌ నుంచి ఇప్పటి వరకు నాకు సపోర్టు చేయడం లేదు. నీవు మాట ఇచ్చి తప్పుకొంటున్నావు. అదే నీ నైజం అంటూ అఖిల్ సార్థక్ చేసిన వ్యాఖ్యలు ఆమె కొంత ఆగ్రహం తెప్పించాయి.

అఖిల్ జెన్యూన్, సూపర్ కానీ..

అఖిల్ తీరుతో దిగ్బ్రాంతికి గురైన మోనాల్ బాధతో పడుకొని ఉంటే హారిక ఓదార్చేందుకు ప్రయత్నించింది. ఆ సమయంలో అఖిల్ సూపర్.. జెన్యూన్, పాజిటివ్ పర్సన్. కానీ అతడికి ఏమైందో అర్ధం కావడం లేదు అంటూ హారికతో మోనాల్ చెప్పుకొంటూ కనిపించింది. గత ఎపిసోడ్‌లో నీతో నాకు ఎమోషనల్ ఇష్యూస్ ఉన్నాయి. నీ గేమ్ నీదే.. నా గేమ్ నాదే అంటూ మోనాల్ ముఖంపైనే అఖిల్ చెప్పడం తెలిసిందే.

నేను సైలెంట్‌గా ఉండను అంటూ అఖిల్

ఇక నామినేషన్ ప్రక్రియ తర్వాత సోహైల్‌తో కలిసి అఖిల్ తన భావాలను పంచుకొన్నాడు. ఇక నుంచి మాట్లాడకుండా సైలెంట్‌గా ఉండలేను. ఇక నుంచి గేమ్ ఆడాల్సిందే అంటూ సోహైల్‌తో అఖిల్ అన్నాడు. ఇలా అభిజిత్‌ను కూడా టార్గెట్ చేసినట్టు కనిపించాడు. తనలో ఆవేదనంతా సోహెల్ ముందు కక్కే ప్రయత్నం చేసినట్టు ప్రోమోలో కనిపించింది.

Anand Devarakonda Interview Part 3 | Middle Class Melodies

అభిజిత్‌పై అఖిల్ ఫైర్

ఇక హారిక స్వాప్ చేయడంతో మోనాల్‌ను నామినేషన్‌లోకి పంపించిన అభిజిత్ గురించి అఖిల్ మండిపడ్డాడు. మోనాల్ గురించి అభిజిత్ చాలా మాటలు చెప్పాడు. ఒకరిని తొక్కేసి పైకి రాను అంటూ మాటలు చెప్పే ఈ మనిషి.. మోనాల్ గురించి ఒక్క మాట కూడా చెప్పలేదు. నాకు సైప్ వద్దని ఒక్కమాట చెబితే ఏమవుతుంది అంటూ సోహైల్‌తో అఖిల్ చెబుతూ కనిపించాడు.