Bigg Boss: బిగ్ బాస్ సీక్రెట్స్ తెలుసుకున్న రవి.. టాప్‌ 5లో ఉండే కంటెస్టెంట్లు ఎవరో చెప్పేశాడుగా!

చెప్పినట్లే చేస్తున్నారు.. చూస్తున్నారు

ఐదో సీజన్‌పై ఆది నుంచే భారీ అంచనాలు ఉన్నాయి. అందుకు అనుగుణంగానే నిర్వహకులు ఇందులో ఐదింతలు ఎక్కువ ఎంటర్‌టైన్‌మెంట్ ఉంటుందని చెప్పారు. ఇందులో భాగంగానే సరికొత్త టాస్కులు, రొమాన్స్, ప్రేమ కహానీలు సహా ఎన్నో ఆసక్తికరమైన అంశాలను హైలైట్ చేస్తున్నారు. దీంతో ఈ సీజన్‌ను కూడా తెలుగు ప్రేక్షకులు బాగానే ఆదరిస్తూ రేటింగ్ ఇస్తున్నారు.

టైటిల్ ఫేవరెట్‌గా యాంకర్ రవి రాక

తాజాగా సీజన్‌లో కంటెస్టెంట్లుగా ఎంపికైన వారిలో ఎక్కువ మంది పాపులర్ అయిన వాళ్లే. వీళ్లంతా తమ తమ విభాగాల్లో గుర్తింపును దక్కించుకున్నారు. ఇక, ఈ సీజన్‌లో మొత్తం 19 మంది కంటెస్టెంట్లు ఎంట్రీ ఇచ్చారు. అందులో పలువురు మాత్రమే టైటిల్ ఫేవరెట్‌గా బరిలోకి దిగిన వారిలో యాంకర్ రవి ఒకడు. బుల్లితెరపై సందడి చేస్తోన్న అతడు.. బిగ్ బాస్ షో ఆఫర్ పట్టేశాడు.

మంచి పేరు సంపాదించుకున్నాడు

యాంకర్ రవి.. కంటెస్టెంట్‌గా షోలోకి అడుగు పెట్టినప్పటి నుంచే తన మార్కు చూపించే ప్రయత్నాలు చేస్తున్నాడు. షోలో ఇచ్చే టాస్కుల్లో ఎంతో యాక్టివ్‌గా పాల్గొంటున్నాడు. వాటిలో తనదైన ఆటతో ఆకట్టుకుంటున్నాడు. అదే సమయంలో గొడవలు జరుగుతోన్న సమయంలో మధ్యలోకి వెళ్లి సర్ధి చెబుతున్నాడు. దీంతో ఆరంభంలోనే మంచి పేరును సంపాదించుకున్నాడతను.

ఆ రెండింటితో రవిపై విమర్శల వర్షం

మూడో వారం నామినేషన్స్ టాస్కులో ఓ కొత్త వివాదం తెరపైకి వచ్చింది. లహరి షారిని ఉద్దేశించి యాక్టర్ ప్రియ కామెంట్స్ చేసింది. అప్పుడామె యాంకర్ రవి పేరు తీయడంతో వివాదం అయింది. ఇందులో అతడి ఇమేజ్ డ్యామేజ్ అయింది. అలాగే, బొమ్మల ఫ్యాక్టరీ టాస్కులో సైతం రవి వ్యవహరించిన తీరుపై విమర్శల వర్షం కురిసింది. ఈ రెండూ అతడికి మైనస్ అయ్యాయి.

లోబో రాకతో మరింత జోష్‌లోకి రవి

శనివారం రాత్రి నుంచి సీక్రెట్ రూమ్‌లో ఉంటోన్న లోబో తాజాగా హౌస్‌లోకి రీఎంట్రీ ఇచ్చాడు. దీంతో అతడి క్లోజ్ ఫ్రెండ్ అయిన యాంకర్ రవి ఆనందానికి అవధులు లేకుండా పోయాయి. అందుకే అందరి కంటే ముందు అతడి దగ్గరకు వెళ్లిన రవి.. గట్టిగా హత్తుకుని చాలా సేపు ఏడ్చేశాడు. ఇక, లోబో రాకతో అతడితో ఉత్సాహం రెట్టింపు అయినట్లు గత ఎపిసోడ్‌లో కనిపించింది.

బిగ్ బాస్ సీక్రెట్స్ తెలుసుకున్న రవి

లోబో సీక్రెట్ రూమ్‌లోకి వెళ్లినా.. అతడు మాత్రం బయట నుంచి వచ్చినట్లే హౌస్‌మేట్స్ అందరికీ చెప్పాడు. అందుకు అనుగుణంగానే జనాల నాడి ఎలా ఉంది అని తెలుసుకోడానికి ఇంటి సభ్యులంతా అతడిని ప్రశ్నలు అడిగారు. ఇక, క్లోజ్ ఫ్రెండ్ అయిన యాంకర్ రవి మాత్రం లోబోతో స్పెషల్‌గా చిట్ చాట్ చేశాడు. ఈ క్రమంలోనే చాలా రకాల సీక్రెట్లను తెలుసుకున్నాడు.

Recommended Video

Date With Akhil Tour | Akhil Interaction With Crazy Girls

టాప్ 5 కంటెస్టెంట్లు ఎవరెవరో చెప్పి

లోబోతో మాట్లాడిన తర్వాత యాంకర్ రవి మాస్టర్ ప్లాన్ వేసినట్లు తాజా ఎపిసోడ్‌లో కనిపించింది. శ్రీరామ్‌, విశ్వ, ఆనీ, లోబోలతో కలిసి మనమంతా కలిసి గేమ్‌ ఆడుదామని, టాప్‌ 5లో మనమే ఉండాలని వాళ్లకు చెప్పాడు. అలాగే విశ్వకు కండబలం, తనకు బుద్ది బలం, లోబోకి రెండు ఉన్నాయని చెప్పాడు. ఇక, ఎంటర్‌టైన్‌మెంట్‌ అంటే ఎలా ఉంటుందో చూపిస్తామని సవాల్ చేశాడు.