Bigg Boss: నడవలేని స్థితిలో శ్రీరామ్.. కాళ్లకు కట్లు కట్టిన డాక్టర్లు.. నా వల్లే అంటూ ఏడ్చిన సన్నీ

చివరి దశకు చేరడంతో కొత్తగా

బిగ్ బాస్ ఐదో సీజన్ చివరి దశకు చేరుకున్న విషయం తెలిసిందే. దీంతో షో మరింత రక్తి కడుతోంది. మరీ ముఖ్యంగా గ్రాండ్ ఫినాలేకు సమయం దగ్గర పడడంతో కంటెస్టెంట్లంతా టాప్ 5లోకి చేరుకోడానికి విశ్వ ప్రయత్నాలు చేస్తున్నారు. అందుకు అనుగుణంగానే బిగ్ బాస్ కూడా చిత్ర విచిత్రమైన టాస్కులు ఇస్తున్నాడు. మొత్తానికి ఇప్పుడు ఈ షో మరింత రంజుగా సాగుతోంది.

ఫినాలేలో ఒక కంటెస్టెంట్ రాక

ఏడుగురిలో ఒక కంటెస్టెంట్‌ను నేరుగా ఫినాలేలోకి పంపేందుకు 'టికెట్ టు ఫినాలే' టాస్క్‌ను ఇచ్చారు. ఇది మూడు రౌండ్లలో జరగనుంది. అందులో ఎవరికైతే ఎక్కువ మార్కులు ఉంటాయో వాళ్లు ఇందులో విజేతగా నిలుస్తారు. తద్వారా ఫినాలేలోకి నేరుగా అడుగు పెడతారు. ఈ టాస్క్ ఆద్యంతం ఆసక్తికరంగా సాగబోతుంది. దీంతో ఇందులో ఎవరు గెలుస్తారో అన్న ఆసక్తి కనిపిస్తోంది.

ఐస్ ఛాలెంజ్.. అతడే టాప్‌లో

'టికెట్ టు ఫినాలే' టాస్కులో భాగంగా మొదటి రౌండ్‌లో ఐస్ టబ్ ఛాలెంజ్ ఇచ్చారు. ఇందులో కంటెస్టెంట్లు అందరూ ఐస్ టబ్‌లో నిల్చుని ఉండాలి. కాలు బయట పెట్టిన వాళ్ల దగ్గర బాల్స్ కొట్టేయొచ్చు. ఇలా చివర్లో ఎవరి దగ్గర ఎక్కువ బాల్స్ ఉంటాయో వాళ్లకు ఎక్కువ మార్కులు వస్తాయి. ఈ టాస్కులో సన్నీ దగ్గర ఎక్కువ బాల్స్ ఉండడంతో అతడికి 7 మార్కులు వచ్చాయి.

ఐస్ ఛాలెంజ్‌లో వాళ్లకు కష్టం

'టికెట్ టు ఫినాలే' టాస్కులో భాగంగా జరిగిన ఐస్ ఛాలెంజ్ టాస్కులో అపశృతి చోటు చేసుకుంది. ఎక్కువ సేపు ఐస్‌లో కాళ్లు పెట్టడం వల్ల సిరి, శ్రీరామ చంద్ర స్పర్శను కోల్పోయారు. దీంతో వీళ్లిద్దరూ మెడికల్ రూమ్‌లోకి వెళ్లారు. దీంతో డాక్టర్లు వాళ్లకు వైద్యం చేశారు. వీళ్లతో పాటు ప్రియాంక సింగ్, షణ్ముఖ్ జస్వంత్ కూడా చాలా సేపు కాళ్లు పని చేయక ఇబ్బందులు పడ్డారు.

పింకీ వల్ల శ్రీరామ్‌కు ఇబ్బంది

ఐస్‌ టబ్ నుంచి బయటకు రాగానే వేడి నీళ్లు పోయడం హానికరమని బిగ్ బాస్ కంటెస్టెంట్లను హెచ్చరించాడు. కానీ, కొద్ది సేపటి తర్వాత అదేమీ పట్టించుకోని ప్రియాంక... కాళ్లు తిమ్మిరెక్లిన శ్రీరామ్‌కు భామ్ రాసి, వేడినీళ్లు పోసి మసాజ్‌ చేసింది. దీంతో ఉదయాన్నే లేచి కాళ్లు కింద పెట్టలేకపోయాడు. దీంతో మెడికల్ రూమ్‌లోకి తీసుకెళ్లగా డాక్టర్లు రెండు కాళ్లకూ కట్లు కట్టారు.

వెక్కి వెక్కి ఏడ్చేసిన శ్రీరామ్

మెడికల్ రూంలో ట్రీట్‌మెంట్ చేయించుకున్న తర్వాత శ్రీరామ చంద్రను వీజే సన్నీ ఎత్తుకుని తీసుకొచ్చాడు. అతడి బెడ్‌పై పడుకోబెట్టి జాగ్రత్తలు చెప్పాడు. అనంతరం ఉదయాన్నే 'గెలుపు తలుపుతే తీసే' అంటూ సాగే పాటను ప్లే చేశారు. దీన్ని తీన్‌మార్ సినిమాలో శ్రీరామ చంద్రనే పాడాడు. ఆ సమయంలో అతడు వెక్కి వెక్కి ఏడ్చాడు. దీంతో కాజల్ అతడిని ఓదార్చింది.

Recommended Video

Mahesh Babu To Undergo Surgery | SSMB Response On Akhanda

తన వల్ల జరిగిందన్న సన్నీ

సన్నీ ఐస్ టబ్ గేమ్‌లో శ్రీరామ్, సిరి మీదే ఎక్కువ ఫోకస్ చేశాడు. దీంతో వాళ్లిద్దరూ ఐస్‌లో కాళ్లు పెట్టాల్సిన పరిస్థితి వచ్చింది. ఆ తర్వాత వాళ్లిద్దరికీ ఇబ్బంది కలగడంతో సన్నీ తెగ బాధ పడ్డాడు. తన వల్లే వాళ్లిద్దరికీ ఈ పరిస్థితి వచ్చిందంటూ మానస్ దగ్గర చెప్పుకుని ఏడ్చేశాడు. అనంతరం వాళ్లకు స్వయంగా టిఫిన్ తయారు చేశాడు. శ్రీరామ్ విషయంలో బాగా కేర్ తీసుకున్నాడు.