Bigg Boss Winner: ఓటింగ్‌లో భారీ ట్విస్టులు.. మారుతున్న స్థానాలు.. అసలేం జరుగుతోంది?

అఖిల్ సార్థక్‌తో పాటు ఆ నలుగురు

రేస్ టు ఫినాలే టాస్కులో విజయం సాధించడం ద్వారా రెండు వారాల ముందే ఫినాలేలో అడుగు పెట్టేశాడు అఖిల్ సార్థక్. ఆ తర్వాత వారం జరిగిన నామినేషన్స్‌లో మోనాల్ గజ్జర్ ఎలిమినేట్ అయిపోయింది. దీంతో సయ్యద్ సోహెల్ రియాన్, అభిజీత్, దేత్తడి హారిక, ఆరియానా గ్లోరీలు టాప్- 5కి చేరుకున్నారు. వీళ్లంతా నాలుగో సీజన్ టైటిల్ కోసం పాటుపడుతున్నారు.

అభిజీతే టైటిల్ విన్నర్ అంటున్నారు

బిగ్ బాస్ నాలుగో సీజన్ మధ్యలోనే ఈ సారి అభిజీత్ విన్నర్ అవుతాడని ప్రచారం మొదలైంది. అందుకు తగ్గట్లుగానే అతడు నామినేట్ అయిన ప్రతిసారీ ప్రేక్షకుల ఓట్ల ద్వారా సేఫ్ అవుతూ వచ్చాడు. ఒకటి కాదు రెండు కాదు.. ఏకంగా 11 వారాలు ఎలిమినేషన్ తప్పించుకున్న అతడు.. బిగ్ బాస్ టైటిల్‌కు చేరువయ్యాడు. ఫినాలే వీక్‌లోనూ అతడే టాప్‌లో ఉన్నాడని సమాచారం.

రికార్డు క్రియేట్ చేయడం ఖాయమట

గత సీజన్లతో పోలిస్తే ఈ సారి ఎన్నో రికార్డులు క్రియేట్ అవుతున్నాయి. రేటింగ్ పరంగా, ఓటింగ్ పరంగా సంచలనాలు నమోదవుతున్నాయి. ఇక, ఈ వారం కూడా అదే జరగబోతుందని తెలుస్తోంది. ప్రస్తుతం టాప్ -5లో ఉన్న కంటెస్టెంట్ల కోసం భారీ స్థాయిలో ఓట్లు పోలవుతున్నాయని అంటున్నారు. దీంతో ఈ వారం ఓటింగ్ రికార్డు క్రియేట్ చేయడం ఖాయమన్న టాక్ వినిపిస్తోంది.

బిగ్ బాస్ ఓటింగ్‌లో భారీగా ట్విస్టులు

ఐదుగురు కంటెస్టెంట్ల కోసం వాళ్ల వాళ్ల ఫ్యాన్స్, కుటుంబ సభ్యులు ప్రచారాన్ని ముమ్మరం చేసేశారు. మాజీ కంటెస్టెంట్లు, సెలెబ్రిటీలు సైతం టాప్ -5 సభ్యుల కోసం ఓటింగ్ చేస్తున్నారు. అలాగే, వాళ్ల వాళ్ల అభిమానులకు అండగా నిలుస్తున్నారు. ఇలాంటి పరిస్థితుల్లో అధికారిక ఓటింగ్‌లో భారీగా ట్విస్టులు కనిపిస్తున్నాయని తాజాగా ఓ న్యూస్ బుల్లితెర వర్గాల్లో చక్కర్లు కొడుతోంది.

కంటెస్టెంట్ల స్థానాల్లో చాలా మార్పులు

ప్రైవేటు సంస్థలు నిర్వహించే పోలింగ్స్‌లో అభిజీతే అందరి కంటే ముందున్నాడు. అతడికి సెకెండ్ ప్లేస్‌లో ఉన్న కంటెస్టెంట్‌కు దాదాపు 20 శాతం పైగానే తేడా కనిపిస్తోంది. ఇదే అధికారిక ఓటింగ్‌లో సైతం జరుగుతుందని తెలుస్తోంది. ఇక, చివరి స్థానంలో దేత్తడి హారిక ఉందని అంటున్నారు. రెండో స్థానం కోసం సోహెల్, అఖిల్, ఆరియానాల మధ్య తీవ్ర పోటీ నెలకొని ఉందని సమాచారం.

అసలేం జరగబోతుంది.. ఎవరుంటారు?

తాజా లెక్కల ప్రకారం.. అభిజీత్ గెలవడం ఖాయమన్న టాక్ వినిపిస్తుండగా, రెండో స్థానంలో మాత్రం ఎవరు ఉంటారన్నది సస్పెన్స్‌గా మారింది. ఓటింగ్ పొజిషన్స్ మారుతోన్న నేపథ్యంలో సోహెల్, అఖిల్, ఆరియానాలలో ఎవరైనా రన్నరప్ కావొచ్చన్న అభిప్రాయాలు వ్యక్తం అవుతున్నాయి. ఈ ముగ్గురిలో అమ్మాయినే టాప్ -2లోకి తీసుకొచ్చే అవకాశాలు ఉన్నాయని తెలిసింది.