బిగ్ బాస్: కొత్త కెప్టెన్ దీక్ష, బలవంతులే టార్గెట్....

కొత్త కెప్టెన్ దీక్ష

కెప్టెన్‍‌గా ఉన్న ముమైత్ ఎలిమినేట్ అయి ఇంటి నుండి బయటకు వెళ్లడంతో కొత్త కెప్టెన్ ను ఎన్నుకోవడం తప్పనిసరైంది. కెప్టోన్సీ కోసం నవదీప్, దీక్ష పోటీ పడగా...... ఆదర్శ్, హరితేజ, శివ బాలాజీ సపోర్టుతో దీక్ష కొత్త కెప్టెన్‌గా ఎంపికైంది.

ఎవరు ఎవరిని నామినేట్ చేశారు

నామినేషన్ ప్రక్రియలో దీక్ష.... ప్రిన్స్, అర్చనలను, అర్చన.... ఆదర్శ్, హరితేజలను, శివ బాలాజీ.... ప్రిన్స్, ఆదర్శ్‌లను, ఆదర్శ్.... నవదీప్, అర్చనలను, నవదీప్... హరితేజ, ప్రిన్స్, హరితేజ.... ఆదర్శ్, నవదీప్, ప్రిన్స్.... హరితేజ, నవదీప్‌లను నామినేట్ చేశారు.

బిగ్ బాస్ ఇంట్లో దెయ్యాలు

సోమవారం షోను కాస్త వినోదాత్మకంగా సాగించేందుకు బిగ్ బాస్ ఈ సారి హారర్ కాన్సెప్టును ఎంచుకున్నారు. తొలుత దెయ్యాల రూపంలో ఇంటి సభ్యులను భయ పెట్టే ప్రయత్నం చేశారు.

దెయ్యాల టాస్క్

తర్వాత ఇంటి సభ్యులను రెండు టీమ్ లుగా విడగొట్టి దెయ్యాల టాస్క్ ఆడించారు. ఇందులో ముగ్గురు దెయ్యాలుగా, ముగ్గురు మనుషులుగా చేశారు. దీక్ష ఆధ్వర్యంలో ఈ టాస్క్ జరిగింది. దెయ్యాల తమ పనులతో మనుషులను భయపెట్టాలి, మనషులు దెయ్యాలకు భయపడకుండా ఉండాలి. ఎవరు బాగా చేస్తే వారే విజేతలు. మంగళవారం విజేతలు ఎవరో తేలనుంది.