రెండేళ్లకు బుల్లితెరపై ‘కేజీయఫ్’.. ఎంతకు కొన్నారంటే?.. రాకీ భాయ్ దెబ్బకు టీఆర్పీలు ఇక గల్లంతే!

#KGF Chapter 1 World Premiere On Star Maa రేటింగ్స్‌లోనూ రికార్డుల మోతే ! || Oneindia Telugu

రికార్డులకు కేరాఫ్ అడ్రస్..

కేజీయఫ్ చిత్రంతో యశ్ రికార్డులకు కేరాఫ్ అడ్రస్‌గా నిలిచాడు. కేవలం డబ్బింగ్ చిత్రంతోనే హిందీ, తెలుగు, తమిళంలో భారీ కలెక్షన్లు కొల్లగొట్టాడు. ఒక స్ట్రెయిట్ తెలుగు సినిమా ఎంతలా విజృంభిస్తుందో అంతలా కేజీయఫ్ ఇంపాక్ట్ చూపింది. కేజీయఫ్ ఏకంగా కన్నడ పరిశ్రమలో రికార్డులను కేరాఫ్ అడ్రస్‌గా నిలిచింది.

బుల్లితెరపై ఆలస్యంగా..

వెండితెరపై విజృంభించిన రాకీ భాయ్..బుల్లితెరపై మాత్రం ఇంత వరకు కనిపించలేదు. సినిమా వచ్చి రెండేళ్లు అవుతున్నా గానీ కేజీయఫ్ బుల్లితెరపై ప్రసారం కాలేదు. మామూలుగా అయితే ఇంతటి బ్లాక్ బస్టర్ చిత్రం వెంటనే టెలికాస్ట్ చేసి రేటింగ్స్‌లోనూ రికార్డులు క్రియేట్ చేయాలని చూస్తారు. అందుకు గానూ పెద్ద మొత్తంలో ఫ్యాన్సీ రేటును కూడా ఆఫర్ చేస్తారు.

ఆ మధ్య కేసు..

కేజీయఫ్ చిత్రాన్ని లోకల్ చానెల్ ప్రసారం చేయడంపై నిర్మాత ఫైర్ అయ్యాడు. తాము ఎవ్వరికీ హక్కులు అమ్మలేదని, అలాంటప్పుడు సినిమాను ఎలా ప్రసారం చేస్తారని సదరులోకల్ చానెల్‌పై కేసు నమోదు చేశారు. అయితే ఎట్టకేలకు కేజీయఫ్ బుల్లితెరపై ప్రసారం కానుంది.

ఇక రేటింగ్స్‌లో రికార్డులే..

రెండేళ్ల తరువాత ప్రసారం అవుతున్నా.. కేజీయఫ్‌ను వీక్షించేందుకు అందరూ ఆసక్తిగానే ఉన్నట్టు కనిపిస్తోంది. తాజాగా స్టార్ మా ఛానెల్ ఓ ప్రోమోను కూడా వదిలింది. వరల్డ్ టెలివిజన్ ప్రీమియర్ అంటూ త్వరలోనే ప్రసారం కానుందని తెలిపింది. ఈ దెబ్బతో రేటింగ్స్‌లోనూ రాకీ భాయ్ కొత్త రికార్డులను క్రియేట్ చేస్తారని ఫ్యాన్స్ ఆశిస్తున్నారు.

‘కేజీయఫ్'కు మంచి రేటు..

కేజీయఫ్‌ తెలుగు శాటిలైట్‌కు మంచి రేటే వచ్చినట్టు తెలుస్తోంది. అయితే ఆ సినిమా స్థాయి రేటు కాదని తెలుస్తోంది. ఈ చిత్రానికి 4.5కోట్ల మేర ఆదాయం వచ్చినట్టు తెలుస్తోంది. ఇక టీఆర్పీలో రాకీ భాయ్ ఏ మేరకు హవా చూపిస్తాడో చూడాలి.