షూటింగ్‌లో అగ్ని ప్రమాదం.. హీరోయిన్‌ను కాపాడిన హీరో

టెలివిజన్ సీరియల్ షూటింగ్‌ సందర్భంగా అగ్నిప్రమాదంలో చిక్కుకొన్న తోటి నటి జెన్నీఫర్ వింగెట్‌ను నటుడు కుషాల్ టాండన్ రక్షించారు. ఈ ప్రమాదం టీవీ షో బేహద్ షూటింగ్ సందర్భంగా చోటుచేసుకొన్నది. ఈ షూటింగ్‌లో భాగంగా పెండ్లి వేడుకను చిత్రీకరిస్తున్నారు. సడెన్‌గా పెండ్లి మంటపానికి మంటలు అంటుకున్నాయి.

పెండ్లి పీటల మీద కూర్చొని ఉన్న జెన్నీఫర్ మంటలను గ్రహించలేదు. అది గ్రహించి అప్రమత్తమైన కుషాల్ వెంటనే వేదిక మీద నుంచి జెన్నీఫర్‌ను సురక్షితంగా బయటకు తీసుకెళ్లాడు. ఈ విషాయన్ని కుశాల్ తన ఫేస్‌బుక్‌లో వెల్లడించాడు.

విశేష ప్రేక్షకాదరణ పొందిన బేహద్ టీవీ సీరియల్‌లో జెన్నీఫర్, కుశాల్ హీరో హీరోయిన్లుగా నటిస్తున్నారు. తాను ఇష్టపడిన వ్యక్తిని అమితంగా ప్రేమించే సైకో మహిళ పాత్రలో జెన్నీఫర్ నటిస్తున్నది.