పెళ్లై నాలుగు రోజులు కూడా కాలేదు.. అప్పుడే పిల్లలా? సుమకు కౌంటర్ ఇచ్చిన రానా!

సుమ.. ఆల్ ఈజ్ వెల్

సుమ ఇటీవల తాను కూడా ఓటీటీలోకి ఎంట్రీ ఇస్తున్నట్లు అఫీషియల్ గా ఎనౌన్స్మెంట్ ఇచ్చిన విషయం తెలిసిందే. జబర్దస్త్ యాంకర్ అనసూయతో జరిగిన ఒక చిట్ చాట్ లోనే తన కొత్త ప్రోగ్రామ్ కి సంబంధించిన స్పెషల్ పోస్టర్ ని కూడా సుమ రిలీజ్ చేసింది. ఆహా యాప్ లో ఆల్ ఈజ్ వెల్ అనే ప్రోగ్రామ్ ద్వారా సరికొత్తగా ఆకట్టుకునేందుకు సుమ సిద్ధమయ్యింది.

రానా, సీతక్కలతో.. స్పెషల్ చిట్ చాట్

ఇక షోకి సంబంధించిన ఒక ఎపిసోడ్ లో వినాయక చవితి సందర్భంగా దగ్గుబాటి రానా, ఆంధ్రప్రదేశ్ ప్రముఖ రాజకీయ నాయకురాలు సీతక్క పాల్గొన్నారు. వారితో లైవ్ చిట్ చాట్ చేసిన సుమ సమాజానికి సంబంధించిన అనేక రకాల మంచి విషయల గురించి మాట్లాడింది. అయితే అందుకు సంబంధించిన ప్రోమోను ఇటీవల విడుదల చేసారు.

మొదటిసారి సీతక్క అంటున్నా

ఇక ప్రోమోలోనే సుమ ఏ రేంజ్ లో ఇంటర్వ్యూ చేసిందో చాలా క్లియర్ గా అర్ధమయ్యింది. సీతక్కతో మాట్లాడుతూ.. అందరు నన్ను సుమక్క సుమక్క అంటున్నారు. మొదటిసారి నేను పేరుతో కలిపి మరొకరిని సీతక్క అంటున్నాను. ఇది నాకు చాలా థ్రిల్లింగ్ గా అనిపోస్తోందని నవ్వించారు. అలాగే మట్టి వినాయకుడితోనే ఇంట్లో ఉంటూనే వినాయక చవితిని సెలబ్రెట్ చేసుకొనున్నట్లు సీతక్క తెలియజేశారు.

Rana Daggubati-Miheeka Bajaj’s Wedding Not Postponed

సుమకు రానా కౌంటర్

ఇక రానా దగ్గుబాటితో సరదాగా మాట్లాడిన సుమ ఎప్పటిలానే ఊహించని పంచ్ లతో షాక్ ఇచ్చింది. మొన్నటివరకు చాలా ప్రీ రిలీజ్ ఈవెంట్స్ లలో పెళ్లెప్పుడు పెళ్లెప్పుడు అనేదాన్ని.. ఇక నెక్స్ట్ పిల్లలు ఎప్పుడని అడుగుతామని అనడంతో రానా కూడా అదే తరహాలో కౌంటర్ ఇచ్చే ప్రయత్నం చేశాడు. పెళ్లి చేసుకొని నాలుగు రోజులు కూడా కాలేదు. అప్పుడే పిల్లలు ఏంటని, కొన్ని రోజులు ప్రశాంతంగా ఉండనివ్వండని రానా వివరణ ఇచ్చారు.