అక్కడ దుకాణం సర్దేయడంతో ఇక్కడ దూరేసింది.. వామ్మో శ్రీముఖి ప్లానింగ్ మామూలుగా లేదు!

మార్పులు చేర్పులతో..

జబర్దస్త్ షోకు పోటిగా తీసుకొచ్చిన అదిరింది షో అంతగా క్లిక్ కాలేదు. అలా ఓ మోస్తరుగా నడుస్తున్న అదిరిందికి రిపేర్లు చేసి యాంకర్లు, జడ్జ్‌ని మార్చేశారు. అలా లైన్‌లోకి శ్రీముఖి, జానీ మాస్టర్‌లు వచ్చారు. శ్రీముఖి వచ్చాక షో కాస్త బాగానే పైకి లేచింది. సద్దాం, రియాజ్ స్కిట్లతో షోకు బాగానే బూస్టప్ వచ్చింది.

మధ్యలో జంప్..

అయితే బొమ్మ అదిరింది షోకు ఆదరణ బాగానే వచ్చింది. ఇమిటేషన్‌తో చేసే స్కిట్లు బాగానే వర్కవుట్ అయ్యాయి.. ప్రతీ వారం స్పెషల్ గెస్ట్‌లను తీసుకొచ్చి బాగానే నడిపించారు. అంతా బాగానే నడుస్తుందన్న సమయంలో మొత్తానికి షో అడ్రస్సే గల్లంతయింది.

చడీచప్పుడు లేకుండా..

బొమ్మ అదిరింది షో గత కొన్ని వారాలుగా రావడం లేదు. అసలు బొమ్మ అదిరింది గురించిఎక్కడా ఊసు వినిపించడం లేదు. ఇక ఆ షో పని అయిపోందని అందరూ అనుకుంటున్నారు. అందులో జడ్జ్‌గా ఉన్న జానీ మాస్టర్ సినిమాలతో బిజీగా ఉన్నాడు. నాగబాబు తన యూట్యూబ్ చానెల్‌తో ఫేమస్ అవుతున్నాడు.

మిగిలిన శ్రీముఖి..

బొమ్మ అదిరింది షో బిచాన సర్దేయడంతో ఒక్క శ్రీముఖి మాత్రమే ఖాళీగా ఉంది. షోలో చేసే ఆర్టిస్ట్‌లందరూ కూడా ఏదో ఒక ఈవెంట్ చేస్తూ బిజీగానే ఉంటున్నారు.అయితే ఇప్పుడు శ్రీముఖి ఎక్కువగా జీ తెలుగు షోలనే చేస్తోంది. ఈటీవీ ఈవెంట్లకు శ్రీముఖి ఎప్పుడో దూరమైంది.

శ్రీదేవీ డ్రామా కంపెనీ..

తాజాగా ఈటీవీలో కొత్తగా ప్రారంభం కాబోతోన్న శ్రీదేవీ డ్రామా కంపెనీ షోతో శ్రీముఖి మళ్లీ ఎంట్రీ ఇవ్వబోతోంది. ఈ క్రమంలో ఈ కొత్త షోలో సీరియల్ హీరో అంబటి అర్జున్ కూడా వచ్చాడు. ఆయనతో పాటు శ్రీముఖి కూడా ఈ షోలో సందడి చేయబోతన్నారు. ప్రస్తుతం చిన్న శాంపిల్‌గా ఇచ్చిన ప్రోమో వైరల్ అవుతోంది.