ఆరియానా నిజస్వరూపం బయటపెట్టిన సోహెల్: అలా చేయడం వల్లే గొడవ జరిగిందంటూ!

ఐదుగురి కోసం గోల్డెన్ మైక్ అవకాశం

ఫినాలేకు ఒక వారమే మిగిలి ఉండడంతో ఈ సారి అఖిల్‌ మినహా అందరినీ నేరుగా నామినేట్ చేశాడు బిగ్ బాస్. అంతేకాదు, ప్రేక్షకుల హృదయాలను గెలుచుకుని వాళ్లను నేరుగా ఓట్లు అడగొచ్చిన వాళ్లకు ఆఫర్ కూడా ఇచ్చాడు. అయితే, అందుకోసం టాస్కుల్లో గెలవాల్సి ఉంటుందని చెప్పాడు. అందుకు అనుగుణంగానే కంటెస్టెంట్లకు వరుసగా టాస్కులు ఇస్తున్నాడు పెద్ద బాస్.

ఆమె రెండు సార్లు.... సోహెల్ ఒకసారి

‘కింగ్ ఆర్ క్వీన్' అనే మొదటి టాస్కులో ఆరియానా గ్లోరీ విజేతగా నిలిచినట్లు చెప్పడంతో ఆమె కన్‌ఫెషన్‌ రూమ్‌కు వెళ్లి గోల్డెన్ మైక్ ద్వారా ప్రేక్షకులను ఓట్లు అడిగింది. ఆ తర్వాత జరిగిన ఓపిక టాస్కులో సోహెల్ గెలుపొందాడు. అతడు కూడా ఓట్లు అభ్యర్ధించాడు. ఇక, ఏకాగ్రత పేరిట జరిగిన మూడో టాస్కులోనూ ఆరియానా విజయం సాధించి రెండోసారి ఆ అవకాశం అందుకుంది.

పెద్ద గొడవ.. కొట్టుకుంటారా అనేంతగా

ఓపిక టాస్క్ జరుగుతోన్న సమయంలో మొదట మోనాల్‌తో, ఆ తర్వాత సయ్యద్ సోహెల్ రియాన్‌తో గొడవలు పెట్టుకుంది ఆరియానా గ్లోరీ. మరీ ముఖ్యంగా టామ్ అండ్ జెర్రీ ఫైట్ భీకరంగా సాగింది. వీళ్లిద్దరూ కొట్టుకుంటారా అనేంతగా ఒకరి పైకి ఒకరు దూసుకుపోయారు. ఈ ఘటనలో ఆరియానా కింద పడిపోయి మరీ ఏడవగా, సోహెల్ పలుమార్లు కన్నీటి పర్యంతం అయ్యాడు.

కలిసేందుకు ప్రయత్నించినా నో యూజ్

ఈ గొడవ తర్వాత ఆరియానా సైలెంట్ అయిపోయింది. కానీ సోహెల్ మాత్రం తరచూ దీన్ని ప్రస్తావిస్తూ బిగ్ బాస్‌కు ఆమెపై కంప్లైంట్లు చేస్తున్నాడు. అదే సమయంలో ఓ సారి ఆమెతో పంచాయితీ క్లియర్ చేసుకోడానికి ప్రయత్నించాడు. కానీ, ఓ మగాడు తనపైకి అలా రావడాన్ని జీర్ణించుకోలేకపోతున్నానని ఆరియానా చెప్పడంతో చేసేదేం లేక అక్కడి నుంచి వెళ్లిపోయాడు సోహెల్.

వినోదం టాస్కులో ఆమె అలా అనడంతో

శుక్రవారం కంటెస్టెంట్లకు వినోదం టాస్క్ ఇచ్చాడు బిగ్ బాస్. దీని ప్రకారం.. తక్కవ సైజ్ షూ వేసుకుని గార్డెన్ ఏరియాలో ఏర్పాటు చేసిన స్టేజ్‌పై డ్యాన్స్ చేయాల్సి ఉంటుంది. పాట ఆగిపోయినప్పుడల్లా ఒక కంటెస్టెంట్ దిగాలి. మొదటి రౌండ్‌లో రెండు సార్లు చాన్స్ వచ్చిన ఆరియానాను అంతా దిగమనగా.. తాను తర్వాత దిగుతానని మంకు పట్టు పట్టింది.

Recommended Video

Allu Arjun’s Ala Vaikunthapurramuloo in Top Of Netflix's TOP 10 Most Watched Films Of 2020

నిజస్వరూపం బయటపెట్టిన సోహెల్

ఫస్ట్ రౌండ్‌లో అభిజీత్ నిష్క్రమించాడు. ఆ తర్వాత ఆరియానా వెళ్తూ.. ‘హౌస్‌మేట్స్‌ అందరికీ ఛాన్స్ ఇవ్వడం కోసం దిగుతున్నా' అని చెప్పింది. టాస్క్ తర్వాత దీన్ని ప్రస్తావిస్తూ ‘చూశారా బిగ్ బాస్. మొన్న ఓపిక టాస్కులో హౌస్‌మేట్ల కోసం ఓడిపో అని అడిగితే పెద్ద గొడవ చేసింది. ఈరోజు ఇలా మాట్లాడుతుంది. ఆరియానా నిజస్వరూపం ఇదే బిగ్ బాస్' అంటూ సోహెల్ చెప్పుకొచ్చాడు.