twitter
    For Quick Alerts
    ALLOW NOTIFICATIONS  
    For Daily Alerts

    అల వైకుంఠపురములో సెన్సార్ పూర్తి.. ఇంకా రిలీజ్ డేట్ ప్రకటించని బడా చిత్రాలు

    |

    సూపర్ స్టార్ మహేష్ బాబు, స్టైలీష్ స్టార్ అల్లు అర్జున్ వంటి బడా స్టార్లు సంక్రాంతి బరిలోకి దిగడానికి రెడీ అయ్యారు. అయితే బాక్సాఫీస్ మీద దాడి చేసేందుకు సమయాన్ని మాత్రం నిర్ణయించుకోలేదు. మొదటగా అనుకున్నట్లు సరిలేరు నీకెవ్వరు జనవరి 11, అల వైకుంఠపురములో జనవరి 12 తేదీల్లో వస్తారనుకున్నారు. అయితే వాటిలో మార్పులు కనిపిస్తున్నట్లు తెలుస్తోంది.

    మొదటి నుంచి పోటీ..

    మొదటి నుంచి పోటీ..

    సరిలేరు టీమ్‌కు, అల వైకుంఠపురములో టీమ్‌కు మొదట్నుంచీ ఏదో ఒక విషయంలో పోటీ వస్తూనే ఉంది. ఒకరు టీజర్ రిలీజ్ చేస్తే.. మరొకరు పాటలు రిలీజ్ చేయడం. మరోసారి పోస్టర్లతో హంగామా చేయడం.. అప్‌డేట్స్ కూడా ఒకే సమయానికి ఇవ్వడం ఇలా ప్రతీ ఒక్క విషయంలో పోటీ పడుతూనే ఉన్నారు. ఇలా చివరకు రిలీజ్ డేట్ విషయంలోనూ ఎవ్వరూ తగ్గడం లేదని తెలుస్తోంది.

    ఎవరు ముందు వస్తారు.?

    ఎవరు ముందు వస్తారు.?

    సంక్రాంతి సీజన్‌లో ముందు వచ్చినా.. వెనక వచ్చినా కంటెంట్ ఉండాలే గానీ బాక్సాఫీస్ వద్ద కనక వర్షం కురుస్తుంది. అయితే మొదటగా వచ్చి పాజిటివ్ టాక్ తెచ్చుకుంటే మాత్రం ఆ సినిమా ధాటికి వేరే చిత్రాలు నిలబడం కష్టమవుతుంది. ఈ క్రమంలో తామే ముందు వస్తామని ఇరు చిత్రాలకు సంబంధించిన వారు పట్టుబట్టినట్టు తెలుస్తోంది.

    జనవరి 10న అంటూ..

    జనవరి 10న అంటూ..

    ఈ రెండు చిత్రాల్లో ఒకటి మాత్రం కచ్చితంగా జనవరి 10న వచ్చే అవకాశాలున్నట్లు తెలుస్తోంది. అయితే ఇంకా చర్చలు జరుగుతూ ఉండటం వల్ల విడుదల తేదీలను ప్రకటించడం లేదని తెలుస్తోంది. ఈ క్రమంలో రీసెంట్‌గా విడుదల చేస్తోన్న పోస్టర్లపై విడుదల తేదీ ప్రకటించకుండా.. సంక్రాంతికి వస్తున్నట్లు మాత్రమే వేస్తున్నారు.

    సెన్సార్ పూర్తి అయినా..

    సరిలేరు చిత్రానికి గురువారం సెన్సార్ పూర్తి కాగా.. అల వైకుంఠపురములో సినిమాకు నేడు సెన్సార్ పూర్తయింది. ఈ రెండు చిత్రాలకు యూ/ఏ సర్టిఫికేట్‌ను జారీ చేసింది సెన్సార్ బృందం. అయితే ఈ రెండు చిత్రాలకు సెన్సార్ పూర్తి అయినా.. విడుదలలో మాత్రం తాత్సారం చేస్తూనే ఉన్నాయి. ఈ రెండు చిత్రాలు థియేటర్లలోకి ఎప్పుడు వస్తాయా? అని ఇద్దరు హీరోల అభిమానులు వేయి కళ్లతో ఎదురుచూస్తున్నారు.

    English summary
    Ala Vaikunthapurramloo Censor Formalities Competed. And Also Mahesh Babu Sarileru Neekevvaru Censor Formalities Completed. But Their relaesing Dates Are Yet In Dilemma.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X