భార్య స్నేహారెడ్డితో అల్లు అర్జున్ సంక్రాంతి సంబరాలు.. ఫుల్ ఎంజాయ్! వీడియో వైరల్

2020 కిక్ స్టార్ట్.. బన్నీ జోష్

గత సినిమా 'నా పేరు సూర్య' డిజాస్టర్ కావడంతో ఆయన తాజా సినిమా 'అల.. వైకుంఠపురములో' సినిమాపై భారీ అంచనాలు పెట్టుకున్నారు బన్నీ ఫ్యాన్స్. వారి అంచనాలకు తగ్గట్టే ప్రమోషన్స్ ద్వారా జోష్ నింపిన అల్లు అర్జున్.. సినిమా విడుదలతో 2020 కిక్ స్టార్ట్ ఇచ్చారు.

పాజిటివ్ టాక్.. రికార్డుల మోత

'అల.. వైకుంఠపురములో' సినిమాకు తొలి షోనే పాజిటివ్ టాక్ తెచ్చిపెట్టింది. అల్లు అర్జున్ నటన, త్రివిక్రమ్ టేకింగ్ అభిమానులను ఆకట్టుకున్నాయి. దీంతో ఈ సినిమా రికార్డుల మోత మోగిస్తూ భారీ కలెక్షన్స్ రాబడుతోంది. రసవత్తర సంక్రాంతి పోటీలో నిలిచి విన్నర్‌గా వసూళ్ల సునామీ సృష్టిస్తోంది.

అల్లు అర్జున్ ఇంట వెలుగులు.. ఎంజాయ్ మూడ్‌

దీంతో ఈ సంక్రాంతి అల్లు అర్జున్ ఇంట మరిన్ని వెలుగులు నింపింది. అల్లు అర్జున్ ఫ్యామిలీ అంతా ఎంజాయ్ మూడ్‌లో ఉన్నారు. జనవరి 15 సంక్రాంతి పండగ రోజు భార్య స్నేహారెడ్డితో కలిసి ఎంజాయ్ చేశారు. ‘అల వైకుంఠపురములో' సినిమాలోని పాటలు సింగర్స్ పాడుతుంటే హుషారెత్తిపోయారు అల్లు అర్జున్ జంట.

భార్యతో కలిసి హుషారుగా.. స్నేహారెడ్డి ఫీలింగ్స్

'సామజవరగమన' పాడుతుంటే అల్లు అర్జున్- స్నేహారెడ్డి ఫీలింగ్స్ అందరినీ ఆకట్టుకుంటున్నాయి. అయితే ఈ కార్యక్రమం అల్లు అర్జున్ ఇంట్లో జరిగిందా లేకపోతే వేరే చోట జరిగిందా అనేది తెలియలేదు. బట్ ఇందుకు సంబంధించిన వీడియోలో మాత్రం ఎంతో ఉత్సాహంగా తన భార్యతో కలిసి హుషారుగా కనిపించారు బన్నీ.

వీడియో షేర్ చేసిన అల్లు శిరీష్

ఈ వీడియోను అల్లు అర్జున్ తమ్ముడు శిరీష్ తన ట్విట్టర్ అకౌంట్‌లో పోస్ట్ చేసాడు. దీంతో ఈ పిక్ సోషల్ మీడియాలో వైరల్ అవుతోంది. మరోవైపు ‘అల వైకుంఠపురములో' వసూళ్ల ప్రవాహం జోరు మీదుంది. మూడు రోజుల్లోనే 81 కోట్ల గ్రాస్ చేసిన ఈ సినిమా బ్రేక్ ఈవెన్‌కి అతిదగ్గరలో ఉంది.