ప్రత్యేక విమానం.. బైక్ ర్యాలీలు.. టాప్ ఎక్కి అభివాదం.. ఓ రేంజ్‌లో బన్నీ హంగామా

విజయోత్సవ వేడుకలు..

అల వైకుంఠపురములో చిత్రాన్ని ఇంత పెద్ద సక్సెస్ చేసినందుకు గానూ ప్రేక్షకులకు ధన్యవాదాలు తెలిపేందుకు వైజాగ్‌లో ఆర్కే బీచ్‌లో నేటి సాయంత్రం ఓ సభను ఏర్పాటు చేశారు. ఈ వేడుకలేమో గానీ, వీటికంటే ముందు.. కొన్ని పనులు బన్నీ రేంజ్‌ను ప్రతిబింబించేలా చేస్తున్నాయి.

ప్రత్యేక విమానంలో..

వైజాగ్‌లో జరిగే ఈ వేడుకకు హాజరయ్యేందుకు అల్లు అర్జున్, పూజా, త్రివిక్రమ్‌లతో కూడిన అల వైకుంఠపురంలో టీమ్ ప్రత్యేక విమానంలో బయల్దేరారు. వీటికి సంబంధించిన పిక్‌ను తమన్ ట్వీట్ చేశాడు. ప్రస్తుతం ఈ ఫోటో సోషల్ మీడియాలో వైరల్ అవుతోంది.

అభిమానుల ర్యాలీలు..

వైజాగ్ ఎయిర్ పోర్ట్‌లో అల్లు అర్జున్‌ను చూసేందుకు అభిమానులు పోటెత్తారు. ఈ క్రమంలో అక్కడ సందడి వాతావరణం నెలకొంది. అంతేకాకుండా బన్నీ అభిమానులు బైక్ ర్యాలీ నిర్వహించారు. వీటికి సంబంధించిన వీడియోలు సోషల్ మీడియాలో హల్ చల్ చేస్తున్నాయి.

కార్ టాప్ ఎక్కి అభివాదం..

వైజాగ్‌ చేరుకున్న బన్నీకి అభిమానలు ఘనస్వాగతం పలికారు. ఈ క్రమంలో భారీగా తరలివచ్చిన అభిమానుల కోసం బన్నీ కారుపైకి ఎక్కాడు. తనకోసం వచ్చిన అభిమానులకు అభివాదం చేశాడు. ఇవన్నీ చూస్తుంటే బన్నీ రేంజ్ మారిపోయినట్టు కనిపిస్తోంది.