Click it and Unblock the Notifications
చిరంజీవికి సరికొత్తగా శుభాకాంక్షలు చెప్పిన దేవీ శ్రీ ప్రసాద్
తెలుగు సినీ ఇండస్ట్రీలో మెగాస్టార్ చిరంజీవి అనే పేరు ఎంత ప్రత్యేకమైనదో అందరికీ తెలిసిందే. స్వయంకృషితో అంచెలంచెలుగా ఎదిగిన ఆయన.. అనతి కాలంలోనే స్టార్గా ఎదగలేదు. ఎన్నో కష్టానష్టాలను అనుభవించిన తర్వాత ఉన్నత స్థానానికి చేరుకున్నారు. ఎన్టీఆర్.. ఏఎన్నార్ తర్వాత అంతటి పేరు ప్రఖ్యాతలు సాధించారు. తద్వారా తెలుగు చిత్రపరిశ్రమలో అగ్రకథానాయకుల్లో ఒకరిగా చిరంజీవి పేరు తెచ్చుకున్నారు. ఈ క్రమంలోనే ఎంతో మంది అభిమానులను సొంతం చేసుకున్నారు.
చిరంజీవి బర్త్ డే సెలబ్రేషన్స్లో పవన్ కళ్యాణ్, ఫ్యాన్స్ సందడి (ఫోటో గ్యాలరీ)
ఈరోజు ఆయన పుట్టినరోజు (ఆగస్టు 22). ఈ సందర్భంగా ఆయనకు ఎంతో మంది అభిమానులు, సెలెబ్రిటీలు సోషల్ మీడియా వేదికగా జన్మదిన శుభాకాంక్షలు తెలియజేస్తున్నారు. తాజాగా ప్రముఖ మ్యూజిక్ డైరెక్టర్ దేవీ శ్రీ ప్రసాద్ ఆయనకు సరికొత్తగా శుభాకాంక్షలు తెలియజేశాడు. ఈ మేరకు ట్విట్టర్లో 'సూపర్ డూపర్ మ్యూజికల్ హ్యాపీ బర్త్డే ఒన్ అండ్ ఓన్లీ మెగాస్టార్ చిరంజీవి అన్నయ్య' అంటూ ట్వీట్ చేయడంతో పాటు ప్రత్యేకంగా తయారు చేసిన ఓ వీడియోను షేర్ చేశాడు.
అందులో తన టీమ్ సాగర్, హేమచంద్ర, శ్రావణ భార్గవి తదితరులతో కలిసి డీఎస్పీ.. చిరంజీవికి బర్త్డే విషెస్ తెలియజేశాడు. అంతకంటే ముందు చిరంజీవి - దేవీ శ్రీ ప్రసాద్ కాంబినేషన్లో వచ్చిన 'శంకర్ దాదా ఎంబీబీఎస్' టైటిల్ సాంగ్ను ఆలపించాడు. ఇందుకు అనుగుణంగా తన టీమ్ మొత్తం అతడికి జత కలిసింది. ఎవరూ చేయని విధంగా చిరును విష్ చేసిన డీఎస్పీని మెగా అభిమానులు అభినందిస్తున్నారు. అంతేకాదు, ఈ వీడియోను తమ ఫ్యాన్ పేజీలలో షేర్ చేస్తున్నారు. దీంతో ఈ వీడియో వైరల్ అవుతోంది.
అన్నట్లు దేవీ శ్రీ ప్రసాద్ - చిరంజీవి కాంబినేషన్లో 'శంకర్ దాదా ఎంబీబీఎస్', 'అందరివాడు', 'శంకర్ దాదా జిందాబాద్', 'ఖైదీ నెంబర్ 150' సినిమాలు వచ్చాయి. ఇవన్నీ మ్యూజికల్గా భారీ విజయాన్ని సొంతం చేసుకున్నాయి.
Continue with Google